ශ්රී ලංකාව වසරේ ඕනෑම කාලයක සංචාරය කළ හැකි අසිරිමත් ගමනාන්තයක් ලෙස ප්රවර්ධනය කිරීම සඳහා ශ්රී ලංකා සංචාරක සන්ධානය (Sri Lanka Tourism Alliance) විසින් “Love Sri Lanka, Always” නමින් නව ගෝලීය ඩිජිටල් ප්රචාරක ව්යාපාරයක් දියත් කර තිබේ. සාම්ප්රදායික සංචාරක වාරයන්ගෙන් ඔබ්බට ගොස්, වසර පුරා ශ්රී ලංකාවේ පවතින විවිධත්වය අත්විඳීමට ලෝකවාසී සංචාරකයින්ට ආරාධනා කිරීම මෙම වැඩසටහනේ මූලික අරමුණයි. මෑතකදී ඇති වූ ගංවතුර තත්ත්වයෙන් පසු මෙරට සංචාරක කර්මාන්තය සාමාන්ය පරිදි යථා තත්ත්වයට පත්ව ඇති බවත්, සංචාරකයින් පිළිගැනීමට මෙරට ප්රජාව සුදානමින් සිටින බවත් මෙහිදී අවධාරණය කෙරේ.සිනමාත්මක වීඩියෝ දර්ශන සහ ආකර්ෂණීය ඡායාරූප හරහා මින්නේරිය අලි රංචුව, වෙසක් උත්සවය සහ මහනුවර ඇසළ පෙරහැර වැනි සුවිශේෂී සංස්කෘතික හා ස්වභාවික අත්දැකීම් මෙමගින් ලොවට විදහා දක්වයි. මේ පිළිබඳව අදහස් දක්වමින් ශ්රී ලංකා සංචාරක සන්ධානයේ සම සභාපති මලික් ප්රනාන්දු මහතා ප්රකාශ කළේ, සාම්ප්රදායික සංචාරක වාරයන්ට සීමා නොවී ශ්රී ලංකාවේ සංස්කෘතිය, සොබාදහම සහ උත්සව සිරි අත්විඳීමට මෙලෙස නව ආලෝකයකින් ආරාධනා කරන බවයි. “Love Sri Lanka” ඩිජිටල් වේදිකාව හරහා ලොව පුරා මෙම ප්රචාරණ කටයුතු ක්රියාත්මක කෙරේ.
ශ්රී ලංකාව වසරේ ඕනෑම දිනක සංචාරයට සුදුසුම රටක් ලෙස ලොවට හඳුන්වා දෙයි
