ආචාර්ය පරාක්රම දිසානායක මහතා පසුගිය අඟහරුවාදා දින ශ්රී ලංකා වරාය අධිකාරියේ සභාපතිවරයා ලෙස නිල වශයෙන් සිය ධුරයේ වැඩ කටයුතු ආරම්භ කරන ලදී. මීට පෙර අවස්ථා දෙකකදී වරාය අධිකාරියේ සභාපති ධුරය හොබවා ඇති ඒ මහතා, නාවික මෙහෙයුම්, සැපයුම් දාම කළමනාකරණය (Logistics) සහ ආයතනික කළමනාකරණය පිළිබඳ ඉහළ පළපුරුද්දක් සහිත ප්රවීණයෙකි. එයිට්කන් ස්පෙන්ස් පීඑල්සී (Aitken Spence PLC) සහ එහි අනුබද්ධ ආයතනවල විධායක මට්ටමේ තනතුරු මෙන්ම රාජ්ය සහ පෞද්ගලික අංශයේ ජ්යෙෂ්ඨ තනතුරු රැසක් ද ඔහු දරා ඇත. මීට අමතරව ඔහු ජාතික වරාය කළමනාකරණ සහ උපදේශක මට්ටමේ තනතුරුවල ද කටයුතු කර තිබේ.ජාත්යන්තර වශයෙන් ගත් කල, ආචාර්ය දිසානායක මහතා වරලත් නැව් තැරැව්කරුවන්ගේ ආයතනයේ (Institute of Chartered Shipbrokers) සභාපතිත්වයට පත් වූ ප්රථම බ්රිතාන්ය නොවන ජාතිකයා වේ. එසේම ඔහු එක්සත් ජාතීන්ගේ සංවිධානයේ නාවික උපදේශක වැඩසටහන් සඳහා ද ක්රියාකාරීව දායක වී ඇත.
ශ්රී ලංකා වරාය අධිකාරියේ නව සභාපති ලෙස ආචාර්ය පරාක්රම දිසානායක වැඩ අරඹයි!
