විපක්ෂ නායක සජිත් ප්රේමදාස මහතා සිංගප්පූරුවේ ‘හුන්ඩායි මෝටර් සමූහ නවෝත්පාදන මධ්යස්ථානය’ (HMGICS) වෙත නිරීක්ෂණ චාරිකාවක නිරත විය. සිය අධ්යයන චාරිකාවට සමගාමීව සිදුකළ මෙම සංචාරයේදී එතුමා උසස් නිෂ්පාදන තාක්ෂණයන්, විද්යුත් වාහන (EV) නිෂ්පාදනය සහ ස්මාර්ට් කාර්මික විසඳුම් පිළිබඳව සමීපව නිරීක්ෂණය කළේය. රොබෝ තාක්ෂණය, ස්වයංක්රීයකරණය සහ දත්ත පාදක පද්ධති ඒකාබද්ධ කරමින් නිර්මාණය කර ඇති මෙම මධ්යස්ථානය, නවීන පර්යේෂණ සහ සංවර්ධන කටයුතු වෙනුවෙන් බිලියන ගණනක ආයෝජනයක් සහිතව ස්ථාපිත කරන ලද්දකි.මෙහිදී හුන්ඩායි සමාගමේ විද්යුත් වාහන නිෂ්පාදන ක්රියාවලිය මෙන්ම කෘතිම බුද්ධිය (AI) සහ රොබෝ තාක්ෂණය ස්මාර්ට් කෘෂිකර්මාන්තය සහ තිරසාර කාර්මික පද්ධති සඳහා යොදාගන්නා ආකාරය පිළිබඳව විපක්ෂ නායකවරයා විශේෂ අවධානයක් යොමු කළේය. මෙම නවෝත්පාදන වැඩපිළිවෙළ ඉතා ආකර්ෂණීය ආකෘතියක් බව පැවසූ ඒ මහතා, තම “SMART Sri Lanka” දැක්මට අනුකූලව අනාගතවාදී ජාතික සංවර්ධනයක් උදෙසා මෙවැනි තාක්ෂණය මත පදනම් වූ ආයෝජන දිරිමත් කළ යුතු බව අවධාරණය කළේය.ශීඝ්රයෙන් වෙනස් වන ගෝලීය ආර්ථිකය තුළ ඵලදායීතාව සහ තිරසාරභාවය ඉහළ නැංවීමට නවෝත්පාදන මත පදනම් වූ පරිසර පද්ධති වැදගත් වන බවත්, දිගුකාලීන ජාතික සංවර්ධන උපායමාර්ග සකස් කිරීමේදී ගෝලීය වශයෙන් පවතින මෙවැනි සාර්ථක ක්රමවේද අත්දැකීම වැදගත් බවත් ප්රේමදාස මහතා මෙහිදී වැඩිදුරටත් සඳහන් කළේය.
සජිත් ප්රේමදාස මහතා සිංගප්පූරුවේ හුන්ඩායි (Hyundai) නවෝත්පාදන මධ්යස්ථානයේ නිරීක්ෂණ චාරිකාවක!
