කුරුණෑගල , බින්ගිරිය ප්‍රදේශයේ සත්ව ආහාර නිෂ්පාදනය කරනු ලබන ආයතනයක් විසින් කල් ඉකුත් වීම නිසා වෙළදපොලෙන් ඉවත්කරනු ලබන සත්ව ආහාර , නව සත්ව ආහාර නිෂ්පාදනය කිරීමේදී නැවත භාවිත කරමින් ඒවාට එකතුකරන බවට ලද පැමිණිල්ලක් සම්බන්ධව පාරිභෝගික කටයුතු පිළිබද අධිකාරියේ නිලධාරීන් විසින් පසුගිය මස 27 වන දින එම නිෂ්පාදන ආයතනය පරීක්ෂාකරන ලදී.
එහිදී , කල් ඉකුත්වීම නිසා වෙළදපොලෙන් ආපසු කැදවන ලද සත්ව ආහාර කිලෝග්‍රෑම් 13500 පමණ නිලධාරීන් විසින් තම භාරයට ගනු ලැබූ අතර කල් ඉකුත් නොවූ භාණ්ඩ සමග මෙම තොගය පවත්වාගන යාම සම්බන්දව තවදුරටත් විමර්ශන සිදුකරණ ලදී .
අදාල විමර්ශනවලින් පසුව කල් ඉකුත් වූ සත්ව ආහාර , සත්ව ආහාර නිෂ්පාදනාගාරයක් තුල අනෙකුත් භාණ්ඩ සමග එක්ව ගබඩාකිරීම සම්බන්ධව අදාල ආයතයට එරෙහිව 2025.03.06 දින හෙට්ටිපොල මහේස්ත්‍රාත් අධිකරණයේදී නඩු පවරන ලද අතර අදාල ආයතනය වන බින්ගිරිය , තල්ගහපිටිය පිහිටි US හෝල්ඩින් පුද්ගලික සමාගම වරද පිළිගැනීමෙන් පසුව රුපියල් 10,000.00 ක දඩ මුදලක් නියමකර අදාල කල් ඉකුත් වූ සත්ව ආහාර තොගය ගරු අධිකරණයේ සහ පාරිභෝගික කටයුතු පිළිබද අධිකාරියේ අධීක්ෂණය යටතේ විනාශකිරීමට ගරු අධිකරණය නියෝග කරන ලදී.
