හිටපු පාර්ලිමේන්තු මන්ත්රී, නීතිඥ උදය ගම්මන්පිල මහතා අද දින අපරාධ පරීක්ෂණ දෙපාර්තමේන්තුව (CID) වෙත පැමිණියේය. ඒ, දැනට රැඳවුම් භාරයේ පසුවන සුරේෂ් සලේ මහතා වෙනුවෙන් පෙනී සිටින ඔහුගේ පෞද්ගලික නීතිඥවරයා වශයෙනි. එහිදී සලේ මහතා මුණගැසී සාකච්ඡා කළ ගම්මන්පිල මහතා, සිය සේවාදායකයාගේ වර්තමාන තත්ත්වය පිළිබඳව සොයා බැලීමට කටයුතු කළේය.අපරාධ පරීක්ෂණ දෙපාර්තමේන්තුවෙන් පිටතට පැමිණි පසු මාධ්ය වෙත අදහස් දැක්වූ උදය ගම්මන්පිල මහතා, සුරේෂ් සලේ මහතා රඳවා සිටින ස්ථානයේ පවතින අඩුපාඩු සහ ඔහුට ලැබෙන සැලකිලි පිළිබඳව සිය විවේචනය එල්ල කළේය. විශේෂයෙන්ම, ඔහු රඳවා සිටින සිර මැදිරිය තුළ පවතින අවම පහසුකම් සම්බන්ධයෙන් අවධානය යොමු කළ හිටපු මන්ත්රීවරයා, මෙම තත්ත්වය පිළිබඳව බලධාරීන්ගේ අවධානය යොමු විය යුතු බව ද වැඩිදුරටත් අවධාරණය කළේය.
සුරේෂ් සලේ වෙනුවෙන් උදය ගම්මන්පිල අපරාධ පරීක්ෂණ දෙපාර්තමේන්තුවට පැමිණෙයි
