සුළි කුණාටුවෙන් හා ගංවතුරෙන් පීඩාවට පත් වූවන්ට ආශිර්වාද ප්රාර්ථනා කිරීම සහ ජීවිතක්ෂයට පත් වූවන්ට පිං අනුමෝදන් කිරීම සඳහා අද (09) සිට ශ්රී ලංකාව පුරා අන්තර් ආගමික වැඩසටහන් මාලාවක් පැවැත්වීමට නියමිත බව බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිණිදුම සුනිල් සෙනෙවි මහතා පැවසීය. ඊයේ (08) පැවති මාධ්ය හමුවකදී අදහස් දක්වමින් අමාත්යවරයා ප්රකාශ කළේ, මෙම වැඩසටහන් මාලාව අද රාත්රී හුනුපිටිය ගංගාරාම සීමාමාලකයේදී පවත්වනු ලබන පිරිත් දේශනාවකින් ආරම්භ වන බවත්, ආපදාවෙන් විපතට පත් වූවන්ට පිං පැමිණවීම සඳහා හෙට උදෑසන (10) භික්ෂූන් වහන්සේලා 100 නමකට දානය පිරිනැමීම සිදුකරන බවත්ය.ඊට අමතරව, ආගමික වතාවත් කිහිපයක් පහත සඳහන් අනෙකුත් පූජනීය ස්ථානවලදී ද පැවැත්වීමට නියමිතය:හින්දු බැතිමතුන් සඳහා: බම්බලපිටිය කදිරේසන් කෝවිලකතෝලික බැතිමතුන් සඳහා: ග්රෑන්ඩ්පාස් ශාන්ත ජෝශප් දේවස්ථානයක්රිස්තියානි බැතිමතුන් සඳහා: කොළඹ 08 ශාන්ත පෝල් දේවස්ථානය (සවස 7ට)මුස්ලිම් බැතිමතුන් සඳහා: වැල්ලවත්ත ජුම්මා මස්ජිදය (ප.ව. 3.45ට)සුළි කුණාටුව සහ ගංවතුර හේතුවෙන් ආගමික ස්ථානවලට සිදු වූ හානිය පිළිබඳව අදහස් දැක්වූ ආචාර්ය සෙනෙවි මහතා, බෞද්ධ විහාරස්ථාන 379ක්, කෝවිල් 165ක්, ක්රිස්තියානි දේවස්ථාන 63ක් සහ මුස්ලිම් පල්ලි 157ක් මෙයින් පීඩාවට පත්ව ඇති බව අවධාරණය කළේය. සම්පූර්ණයෙන් හෝ අර්ධ වශයෙන් හානි වූ එම ආගමික ස්ථාන අලුත්වැඩියා කිරීම සහ නැවත ගොඩනැගීම සඳහා එක් ආගමික ස්ථානයකට රුපියල් 25,000ක මුදලක් ලබා දෙන බවද අමාත්යවරයා වැඩිදුරටත් පැවසීය.
සුළි කුණාටු වින්දිතයන්ට පිහිට පතා අද (09) සිට අන්තර් ආගමික වැඩසටහන් මාලාවක්
