හෝමාගම පොලිස් වසමට අයත් මොරගහහේන මාර්ගයේ පිහිටි හෝටලයක පැවැති සාදයක් අතරතුර ඇති වූ ප්රචණ්ඩකාරී ගැටුමකින් 19 හැවිරිදි විශ්වවිද්යාල සිසුවෙකු ඝාතනය වී තිබේ. ඊයේ (09) රාත්රියේ පෞද්ගලික විශ්වවිද්යාලයක සිසුන් පිරිසක් එක්ව සංවිධානය කර තිබූ මෙම සාදය අතරතුර දෙපිරිසක් අතර ඇති වූ බහින්බස් වීමක් දුරදිග යාමෙන් මෙම ඛේදවාචකය සිදුව ඇත.මූලික පොලිස් විමර්ශනවලින් අනාවරණය වී ඇත්තේ උණුසුම් වචන හුවමාරුවකින් පසු සිදු වූ පහරදීමක් හේතුවෙන් මෙම තරුණයා ජීවිතක්ෂයට පත්ව ඇති බවයි. මෙලෙස අවාසනාවන්ත ලෙස මියගොස් ඇත්තේ වැල්ලව, නිකදළුපොත ප්රදේශයේ පදිංචිව සිටි සිසුවෙකි.සිද්ධිය සම්බන්ධයෙන් දැනටමත් මහේස්ත්රාත් පරීක්ෂණය පැවැත්වීමට කටයුතු සූදානම් කර ඇති අතර, මෘත ශරීරය මරණ පරීක්ෂණ කටයුතු සඳහා යොමු කර ඇත. සාදයේ සිටි අනෙකුත් පිරිස් සහ හෝටල් සේවකයින්ගෙන් ප්රකාශ සටහන් කරගනිමින් සිද්ධිය පිළිබඳ වැඩිදුර තොරතුරු අනාවරණය කර ගැනීමට ආරක්ෂක අංශ පියවර ගනිමින් සිටී.ඝාතනයට සම්බන්ධ සැකකරුවන් හඳුනාගෙන ඔවුන් අත්අඩංගුවට ගැනීම සඳහා හෝමාගම පොලිසිය මේ වන විටත් විශේෂ මෙහෙයුමක් ආරම්භ කර ඇත. සතුටු සාමීචිය සඳහා එක් වූ තරුණ පිරිසක් අතර සිදු වූ මෙම ගැටුම ප්රදේශය පුරා මහත් කැලඹීමක් ඇති කිරීමට සමත්ව තිබේ.
හෝමාගම හෝටල් සාදයක ගැටුමකින් සරසවි සිසුවෙකු ජීවිතක්ෂයට
