2025 වසරේ පැවැති අ.පො.ස. උසස් පෙළ විභාගයේ ප්රතිඵල ඊයේ රාත්රියේ නිකුත් කෙරුණු අතර, මෙවර සමස්ත අපේක්ෂකයින් 281,810 දෙනෙකු අතුරින් 176,527 දෙනෙකු විශ්වවිද්යාල ප්රවේශය සඳහා සුදුසුකම් ලබා ඇත. මෙවර ප්රතිඵලවල ඇති විශේෂත්වය වන්නේ ජීව විද්යා විෂය ධාරාව හැර අනෙකුත් සෑම ප්රධාන විෂය ධාරාවකම දිවයිනේ ප්රථම ස්ථාන කොළඹින් බැහැර ප්රදේශවල සිසුන් විසින් දිනාගෙන තිබීමයි.විෂය ධාරා අනුව දිවයිනේ ප්රථම ස්ථාන දිනූ සිසුන් දෙස බැලීමේදී, ජීව විද්යා අංශයෙන් කොළඹ රාජකීය විද්යාලයේ ඩිලාන් සංජන කරුණාරත්න ප්රමුඛස්ථානය හිමිකරගෙන තිබේ. කලා අංශයෙන් කුරුණෑගල වයඹ රාජකීය විද්යාලයේ අචින්ත මිහිරංග රත්නායක සහ වාණිජ අංශයෙන් කාත්තන්කුඩි මධ්ය මහා විද්යාලයේ මොහොමඩ් සුබයිදීන් මොහොමඩ් ෆර්තාන් දිවයිනේ පළමු ස්ථාන දිනා ගැනීමට සමත් වූහ.තාක්ෂණික විෂය ධාරාවන්හි ද කැපී පෙනෙන දක්ෂතා පෙන්නුම් කරමින් ඉංජිනේරු තාක්ෂණවේදය අංශයෙන් ගම්පහ බණ්ඩාරනායක විද්යාලයේ හේෂාන් අනුජය වනිගසූරියත්, භෞතික විද්යා අංශයෙන් කිලිනොච්චි මහා විද්යාලයේ දේවේන්ද්රන් තිරුක්කුමාරන් සහ ජෛව පද්ධති තාක්ෂණවේදය අංශයෙන් වේයන්ගොඩ බණ්ඩාරනායක මධ්ය මහා විද්යාලයේ ඊෂානි මනෝදාත් ප්රථම ස්ථාන ලබා ගත්හ.විශ්වවිද්යාල ප්රවේශයට සුදුසුකම් ලැබූ පිරිසට පාසල් අයදුම්කරුවන් 176,405 දෙනෙකු සහ පෞද්ගලික අයදුම්කරුවන් 30,122 දෙනෙකු ඇතුළත් වන බව විභාග දෙපාර්තමේන්තුව සඳහන් කරයි. කෙසේ වෙතත්, විවිධ හේතූන් මත අපේක්ෂකයින් 111 දෙනෙකුගේ ප්රතිඵල අත්හිටුවීමට පියවර ගෙන ඇත.
2025 උසස් පෙළ සිසුන් 176,527කට සරසවි වරම්
