Mrs. World Sri Lanka තරඟාවලියේ සංවිධානය, 2019 Mrs. Sri Lanka World කිරුළ දිනාගත් කැරොලයින් ජූරී මහත්මියට එරෙහිව දැඩි නීතිමය ක්‍රියාමාර්ග ගැනීමේ තර්ජනයක් සහිතව නිල දැනුම් දීමක් නිකුත් කර තිබේ. තරඟාවලියේ කීර්ති නාමයට හානි වන අයුරින් දූෂණ, ඥාති සංග්‍රහය සහ අකටයුතුකම් පිළිබඳව ඇය විසින් ප්‍රසිද්ධියේ සිදු කරන ලද පදනම් විරහිත චෝදනා වහාම ඉවත් කර ගන්නා ලෙස සංවිධානය ජූරී මහත්මියගෙන් ඉල්ලා සිටී.Mrs. World Sri Lanka සංවිධානයේ ජාතික අධ්‍යක්ෂ චන්දිමාල් ජයසිංහ මහතා විසින් කැරොලයින් ජූරී මහත්මිය වෙත යොමු කරන ලද මෙම ලිපියේ සඳහන් වන්නේ, ඇයගේ ප්‍රකාශ මඟින් සංවිධානයේ අඛණ්ඩතාව, නිලධාරීන්ගේ සහභාගී වූවන්ගේ කීර්ති නාමයට හානි සිදුවන බවයි.
ප්‍රධාන ඉල්ලීම්:
- වහාම චෝදනා ඉවත් කර ගැනීම: ජූරී මහත්මිය විසින් කරන ලද අපකීර්තිමත් ප්‍රකාශ වහාම ඉවත් කර ගත යුතුය.
- ප්‍රසිද්ධ නිවැරදි කිරීමක්: ඇයගේ පෙර ප්‍රකාශවලට සමාන ප්‍රසිද්ධියක් ඇතිවන අයුරින් දින හතරක් (4) ඇතුළත ප්‍රසිද්ධ නිවැරදි කිරීමක් හෝ පැහැදිලි කිරීමක් නිකුත් කළ යුතුය.
”කිරුළ දරන්නියක් ලෙස, ඔබ Mrs. Sri Lanka සන්නාමයේ ගෞරවය සහ යහපත් නාමය ආරක්ෂා කිරීමට කොන්ත්‍රාත්තුමය හා ආචාරධාර්මික වශයෙන් බැඳී සිටිනවා. ඔබගේ මෑත කාලීන අදහස් එම බැඳීම් කඩ කිරීමක් වන අතර සංවිධානයට පිරිමැසිය නොහැකි හානියක් සිදු කිරීමට ඉඩ ඇත,” යනුවෙන් දැනුම්දීමේ සඳහන් වේ.ඉහත ඉල්ලීම්වලට අනුකූල වීමට අපොහොසත් වුවහොත්, Mrs. Sri Lanka සංවිධානයට 2019 Mrs. Sri Lanka කිරුළෙන් ඇයව නෙරපා හැරීමට සහ සංවිධානයේ කීර්ති නාමය ආරක්ෂා කිරීම සඳහා සහ සිදු වූ හානි සඳහා වන්දි ඉල්ලා සුදුසු නීතිමය ක්‍රියාමාර්ග ආරම්භ කිරීමට සිදුවන බව දන්වා ඇත.ජාතික අධ්‍යක්ෂ චන්දිමාල් ජයසිංහ මහතා විසින් ලිපිය අවසන් කර ඇත්තේ, මෙම කාරණයට අවශ්‍ය බැරෑරුම්කම ලබා දී වහාම නිවැරදි කිරීමේ පියවර ගන්නා ලෙසට ඉල්ලමිනි.
