දිවයිනේ ප්රදේශ කිහිපයකට අද පස්වරු 2.00 න් පසුව වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් බස්නාහිර, සබරගමුව, දකුණු සහ ඌව පළාත්වලටත්, මහනුවර සහ නුවරඑළිය දිස්ත්රික්කවලටත් මෙම තත්ත්වය බලපානු ඇත. සෙසු ප්රදේශවල ප්රධාන වශයෙන් වියළි කාලගුණයක් පවතින අතර, මධ්යම, සබරගමුව, ඌව සහ අම්පාර යන ප්රදේශවල අලුයම් කාලයේදී මීදුම් සහිත තත්ත්වයක් බලාපොරොත්තු විය හැක.සූර්යයා උතුරට ගමන් කිරීමේ වාර්ෂික ක්රියාවලිය හේතුවෙන් අප්රේල් 15 දක්වා ශ්රී ලංකාවට සෘජුවම ඉහළින් හිරු පවතී. ඒ අනුව, අද (10) දහවල් 12:11 ට නාගවිල්ලුව, ගල්ගමුව, සීගිරිය, පලුගස්දමන සහ මාන්කර්නි යන ප්රදේශවලට හිරු මුදුන් වීමට නියමිතය. මෙම තත්ත්වයත් සමඟ දිවා කාලයේ පවතින දැඩි හිරු රශ්මිය පිළිබඳව අවධානයෙන් සිටීම වැදගත් වේ.ගිගුරුම් සහිත වැසි පවතින අවස්ථාවලදී ඇති විය හැකි තාවකාලික තද සුළං සහ අකුණු අනතුරු පිළිබඳව දැඩි ලෙස සැලකිලිමත් වන ලෙස කාලගුණ අංශ ජනතාවගෙන් ඉල්ලා සිටියි. එළිමහනේ රැඳී සිටීමේදී සහ විදුලි උපකරණ භාවිතයේදී වඩාත් ප්රවේශම් වීම මඟින් සිදුවිය හැකි අනතුරු අවම කරගත හැකිය.
අද පස්වරුවේ දිස්ත්රික්ක රැසකට ගිගුරුම් සහිත වැසි
