දිවයිනේ පළාත් කිහිපයකට අද (20) දිනයේදී වැසි සහිත කාලගුණයක් පවතිනු ඇති බව කාලගුණ විද්යා දෙපාර්තමේන්තුව පවසයි. විශේෂයෙන්ම නැගෙනහිර, ඌව සහ මධ්යම පළාත්වලත්, පොළොන්නරුව සහ හම්බන්තොට දිස්ත්රික්කවලත් විටින් විට වැසි වාර කිහිපයක් ඇති විය හැකි බවට පුරෝකථනය කර තිබේ. මීට අමතරව බස්නාහිර සහ සබරගමුව පළාත් ඇතුළු දකුණු වෙරළබඩ ප්රදේශවල පස්වරු කාලයේදී ගිගුරුම් සහිත වැසි වර්ධනය වීමේ හැකියාවක් පවතී.වර්ෂාවට අමතරව දිවයිනේ ප්රදේශ කිහිපයක සුළගේ වේගය ඉහළ යා හැකි බව එම දෙපාර්තමේන්තුව පෙන්වා දෙයි. ඒ අනුව මධ්යම කඳුකරයේ නැගෙනහිර බෑවුම් ප්රදේශවලත්, උතුරු, උතුරු-මැද සහ වයඹ පළාත්වලත් විටින් විට පැයට කිලෝමීටර් 40ක පමණ තද සුළං ඇතිවිය හැක. ත්රිකුණාමලය, හම්බන්තොට සහ මොනරාගල දිස්ත්රික්ක සඳහා ද මෙම තද සුළං තත්ත්වය බලපානු ඇතැයි අපේක්ෂා කෙරේ.අලුයම් කාලයේ රිය පදවන පුද්ගලයන් මේ පිළිබඳව විශේෂ අවධානයක් යොමු කළ යුතුය. බස්නාහිර, සබරගමුව සහ මධ්යම පළාත්වලත්, ගාල්ල සහ මාතර දිස්ත්රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් පැවතිය හැකි බව කාලගුණ නිවේදනයේ සඳහන් වේ. මෙම තත්ත්වය හේතුවෙන් මාර්ගවල දෘශ්යතාව අඩුවිය හැකි බැවින් ප්රවේශම් වන ලෙස රියදුරන්ට දැනුම් දී තිබේ.ගිගුරුම් සහිත වැසි ඇති වන අවස්ථාවලදී තාවකාලික තද සුළං සහ අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් වැඩිදුරටත් ඉල්ලා සිටී. විවෘත ස්ථානවල රැඳී සිටීමෙන් වැළකී සිටීම සහ විදුලි උපකරණ භාවිතයේදී සැලකිලිමත් වීම මගින් සිදුවිය හැකි හානි අවම කර ගත හැකි වනු ඇත.
අදත් ප්රදේශ රැසකට වැසි: තද සුළං සහ මීදුම ගැන අවවාදයක්
