සිංහල හා දෙමළ අලුත් අවුරුදු නිවාඩු සමයේ විනෝද චාරිකා සහ ගමන් බිමන් යන අතරතුර, ඒවායේ ඡායාරූප සහ වීඩියෝ එසැනින් සමාජ මාධ්ය වෙත එක් කිරීමෙන් වළකින ලෙස ශ්රී ලංකා පොලිසිය මහජනතාවගෙන් විශේෂ ඉල්ලීමක් කරයි. ඔබ නිවසින් බැහැරව සිටින බවට සමාජ මාධ්ය හරහා ප්රසිද්ධ කිරීම, සංවිධානාත්මක සොරුන්ට ඔබේ හිස්ව පවතින නිවස ඉලක්ක කර ගැනීමට දෙනු ලබන අනවශ්ය පණිවුඩයක් විය හැකි බව පොලිසිය අවධාරණය කරයි. මේ හරහා ඔබේ දේපළවල ආරක්ෂාව දැඩි අවදානමකට ලක්විය හැකි බැවින්, තාක්ෂණය භාවිත කිරීමේදී වඩාත් බුද්ධිමත් විය යුතු බව බලධාරීහු පෙන්වා දෙති.තමන් ලැබූ සුන්දර අත්දැකීම් සමාජ මාධ්යයට එක් කිරීමට අවශ්ය නම්, වඩාත් ආරක්ෂිතම ක්රමය වන්නේ සංචාරය නිමවා යළි නිවසට පැමිණීමෙන් පසු ඒවා බෙදාහදා ගැනීමයි. නිවාඩු සමයේ සතුට සැමරීමට ප්රමුඛතාව දෙන අතරම, තම පෞද්ගලික ආරක්ෂාව සහ නිවෙස්වල සුරක්ෂිතභාවය පිළිබඳව මීට වඩා සැලකිලිමත් වන ලෙස පොලිසිය වැඩිදුරටත් ජනතාවට මතක් කර සිටියි. අනවශ්ය ප්රසිද්ධියක් ලබා දීමෙන් සොරුන්ට අවස්ථාව ලබා නොදී, ආරක්ෂිතව අවුරුදු නිවාඩුව ගත කිරීමට වගබලා ගන්න.
අවුරුදු නිවාඩුවට ගමන් යනවාද? සෙල්ෆි දාන්න කලින් පොලිසියෙන් අනතුරු ඇඟවීමක්!
