ඇමරිකානු නාවික හමුදාවේ දැඩි “සීල්” (Navy SEAL) මූලික පුහුණුව සාර්ථකව නිම කළ ප්රථම ශ්රී ලාංකික නාවික හමුදා නිලධාරියා වූ ලුතිනන් කොයන් චාමිත මහතාගේ අභාවය වෙනුවෙන් ශ්රී ලංකාවේ ඇමරිකානු තානාපති කාර්යාලය සිය ශෝකය ප්රකාශ කර තිබේ. ශ්රී ලංකා නාවික හමුදාවේ විශේෂ යාත්රා බලඝණයේ (SBS) සේවය කළ ඔහු, ජාත්යන්තර ආරක්ෂක සහයෝගීතාව වෙනුවෙන් දැක්වූ සුවිශේෂී දායකත්වය සහ විශිෂ්ට සේවාව තානාපති කාර්යාලයේ ඇගයීමට ලක්ව ඇත.ලුතිනන් චාමිතගේ වෘත්තීය ගමන් මඟ, විශේෂයෙන්ම සමුද්රීය ආරක්ෂාව සහ විශේෂ මෙහෙයුම් සම්බන්ධයෙන් එක්සත් ජනපදය හා ශ්රී ලංකාව අතර පවතින ශක්තිමත් වෘත්තීය සබඳතාව පිළිබිඹු කරන්නක් බව තානාපති කාර්යාලය නිකුත් කළ නිවේදනයේ සඳහන් වේ. ඔහුගේ අභාවය ශ්රී ලංකා නාවික හමුදා ප්රජාවට විශාල පාඩුවක් බව පවසන ඇමරිකානු තානාපති කාර්යාලය, මෙම දුෂ්කර අවස්ථාවේදී ඔහුගේ පවුලේ හිතවතුන් සහ ආදරණීයයන් වෙත සිය බලවත් කණගාටුව ප්රකාශ කර සිටියි.
ඇමරිකානු නාවික හමුදා සීල් (SEAL) පුහුණුව ලැබූ ශ්රී ලංකාවේ ප්රථම නිලධාරියා අභාවප්රාප්ත වෙයි: ඇමරිකානු තානාපති කාර්යාලයෙන් ශෝකය
