ශ්රී ලාංකික සිසුන්ගේ උසස් අධ්යාපන සිහින සැබෑ කරමින්, 2026-2027 අධ්යයන වර්ෂය සඳහා ඉන්දියාවේ ප්රමුඛ පෙළේ විශ්වවිද්යාලවල හැදෑරීමට හැකි පූර්ණ ශිෂ්යත්ව 200ක් පිරිනැමීමට කොළඹ පිහිටි ඉන්දීය මහ කොමසාරිස් කාර්යාලය පියවර ගෙන ඇත. නේරු අනුස්මරණ, මවුලානා අසාද්, රජිව් ගාන්ධි සහ ආචාර්ය ඒ.පී.ජේ. අබ්දුල් කලාම් යන ශිෂ්යත්ව පටිපාටි යටතේ ඉංජිනේරු, විද්යා, ව්යාපාරික, තොරතුරු තාක්ෂණ සහ කලා වැනි ක්ෂේත්ර රැසක උපාධි, පශ්චාත් උපාධි සහ ආචාර්ය උපාධි පාඨමාලා මේ හරහා හැදෑරිය හැකිය. වෛද්ය සහ නීති ක්ෂේත්ර හැර අනෙකුත් විෂය ධාරා සඳහා මෙම අවස්ථාව හිමිවන අතර, තෝරාගනු ලබන සිසුන් වෙනුවෙන් සම්පූර්ණ උපකාරක පන්ති ගාස්තු, මාසික දීමනා, නවාතැන් පහසුකම්, පොත්පත් සඳහා වාර්ෂික දීමනා සහ ගුවන් ටිකට්පත් ද ඇතුළුව ඉහළ වරප්රසාද රැසක් හිමිවීම විශේෂත්වයකි.මෙම ශිෂ්යත්වලාභීන් තෝරාගැනීම ශ්රී ලංකා අධ්යාපන අමාත්යාංශය හා ඒකාබද්ධව සිදුකෙරෙන අතර, මේ පිළිබඳ වැඩිදුර විස්තර සහ අයදුම් කිරීමේ ක්රියාපටිපාටිය ඉදිරි දිනවලදී www.mohe.gov.lk වෙබ් අඩවියට ඇතුළත් කිරීමට නියමිතය. සුදුසුකම් සහ අයදුම්පත් පිළිබඳව වැඩිදුර තොරතුරු දැනගැනීම සඳහා ඉන්දීය මහ කොමසාරිස් කාර්යාලයේ අධ්යාපන අංශය ([email protected]) හෝ අධ්යාපන අමාත්යාංශය සම්බන්ධ කරගන්නා ලෙස ඉන්දීය මහ කොමසාරිස් කාර්යාලය උනන්දුවක් දක්වන ශිෂ්යයන්ගෙන් සහ දෙමාපියන්ගෙන් ඉල්ලා සිටියි.
ඉන්දියාවෙන් ශ්රී ලාංකික සිසුන්ට පූර්ණ ශිෂ්යත්ව 200ක්: අයදුම්පත් කැඳවීම ඇරඹේ!
