වසර 1989 සිට ඉරානයේ උත්තරීතර නායකයා ලෙස කටයුතු කළ 86 හැවිරිදි අයතුල්ලා අලි කමේනි අභාවප්රාප්ත වූ බව ඉරාන රාජ්ය මාධ්ය තහවුරු කර තිබේ. කලාපීය යුද උණුසුම උත්සන්න වෙමින් ටෙහෙරානය ඇතුළු ඉලක්ක කිහිපයකට ඇමරිකානු සහ ඊශ්රායල ප්රහාර එල්ල වූ පසුබිමක, ඉරිදා උදෑසන මෙම නිවේදනය නිකුත් විය. මේ නිමිත්තෙන් ඉරානය පුරා දින 40ක ජාතික ශෝක කාලයක් ප්රකාශයට පත් කර ඇති අතර දින හතක රජයේ නිවාඩු ද ප්රකාශයට පත් කර ඇත.තම රාජකාරි ඉටුකරමින් සිටියදී කමේනි මියගිය බව පවසන ඉරාන නිලධාරීන්, ඔහු “වීරවරයෙකු” (Martyr) ලෙස හඳුන්වමින් ඔහුගේ මරණය සම්බන්ධයෙන් ඊශ්රායලයට සහ ඇමරිකා එක්සත් ජනපදයට චෝදනා එල්ල කරයි. මෙම මරණය සිදුවූයේ ඉරානය, ඇමරිකාව සහ ඊශ්රායලය අතර ගැටුම් අතිශය තීරණාත්මක මට්ටමකට පැමිණ දෙපාර්ශවයම ප්රහාර හුවමාරු කරගන්නා අවස්ථාවකදීය.දශක තුනකට වැඩි කාලයක් ඉරානයේ දේශපාලන, ආගමික සහ මිලිටරි අංශ කෙරෙහි අසීමිත බලයක් හෙබවූ කමේනි, මැදපෙරදිග වඩාත්ම බලගතු පුද්ගලයෙකි. ඔහුගේ අභාවය ඉරානයේ නායකත්වය තුළ විශාල හිස්තැනක් නිර්මාණය කරන අතර, නව අනුප්රාප්තිකයෙකු තෝරා පත් කර ගැනීම සඳහා ඉරාන විශේෂඥ මණ්ඩලය (Assembly of Experts) රැස්වීමට නියමිතය. මෙම තත්ත්වය ඉරානයට මෙන්ම සමස්ත මැදපෙරදිග කලාපයේ දේශපාලන හා ආරක්ෂක ස්ථාවරත්වයට දැඩි බලපෑමක් එල්ල කරනු ඇතැයි අපේක්ෂා කෙරේ.
ඉරාන උත්තරීතර නායක අයතුල්ලා අලි කමේනි අභාවප්රාප්ත වෙයි!
