පවතින උත්සව සමය තුළ මහජන ආරක්ෂාව උපරිමයෙන් තහවුරු කිරීම සඳහා යුද හමුදා මූලස්ථානය තුළ විශේෂ මෙහෙයුම් මැදිරියක් වහාම ක්රියාත්මක කරන ලෙස ආරක්ෂක අමාත්යාංශයේ ලේකම්වරයා නියෝග කර ඇත. ආරක්ෂක අමාත්යාංශයට අනුව, මෙම මෙහෙයුම් මැදිරිය උත්සව සමය අවසන් වන තෙක් ක්රියාත්මක වන අතර, එය ත්රිවිධ හමුදාව සහ ශ්රී ලංකා පොලිසිය අතර සමීප සහයෝගීතාවයකින් කටයුතු කරන මධ්යම සම්බන්ධීකරණ මධ්යස්ථානය ලෙස කටයුතු කරනු ඇත. මෙමගින් උත්සව සමයේ ඇතිවිය හැකි ඕනෑම ආරක්ෂක ගැටලුවකදී හෝ හදිසි අවස්ථාවකදී වඩාත් වේගවත් හා කාර්යක්ෂම ප්රතිචාරයක් දැක්වීමට බලධාරීන්ට හැකියාව ලැබේ.තත්ය කාලීන තොරතුරු හුවමාරුව ශක්තිමත් කිරීම, කාලෝචිත තීරණ ගැනීම සහ සියලුම ආරක්ෂක අංශවල මෙහෙයුම් සූදානම ඉහළ නැංවීම සඳහා මෙම පියවර ගෙන තිබේ. මෙම යාන්ත්රණය හරහා උත්සව සමය පුරා මහජන ජීවිත මෙන්ම රාජ්ය හා පෞද්ගලික දේපළ ආරක්ෂා කිරීමට ආරක්ෂක අංශ වඩාත් සන්නද්ධ වනු ඇත. මහජනතාවට කිසිදු බාධාවකින් තොරව සාමකාමීව උත්සව සමය සැමරීමට අවශ්ය සුරක්ෂිත වටපිටාව නිර්මාණය කිරීම සඳහා ආරක්ෂක අමාත්යාංශය සිය කැපවීම මෙහිදී යළිත් අවධාරණය කර සිටියි.
උත්සව සමයේ ජනතා ආරක්ෂාවට යුද හමුදා මූලස්ථානයේ විශේෂ මෙහෙයුම් මැදිරියක්!
