නොවැම්බර් 07 වැනිදා කොටහේන ප්‍රදේශයේ සිදු වූ වෙඩි තැබීමේ සිද්ධියට සම්බන්ධ බවට සැකකෙරෙන තුවක්කුකරු අත්අඩංගුවට ගෙන ඇත. මෙම සිද්ධියෙන් එක් පුද්ගලයෙක් ජීවිතක්ෂයට පත් විය. මෝටර් රථයකින් පැමිණි පුද්ගලයෙකු විසින් සිදුකළ බව කියන මෙම මාරක වෙඩි තැබීමේ සිද්ධිය සම්බන්ධයෙන් කොළඹ අපරාධ කොට්ඨාසය (CCD) විමර්ශනයක් ආරම්භ කර තිබුණි. ලද තොරතුරක් මත, කොළඹ අපරාධ කොට්ඨාසයේ නිලධාරීන් ඊයේ (19) දින කොළොන්ගොඩ ප්‍රදේශයේ නිවසක සැඟව සිටියදී සැකකාර තුවක්කුකරු අත්අඩංගුවට ගෙන ඇත. අත්අඩංගුවට ගන්නා අවස්ථාවේදී ඔහු සතුව තිබී ‘අයිස්’ මත්ද්‍රව්‍ය ග්‍රෑම් 12.3 ක් සොයාගෙන ඇත. කඩුවෙල ප්‍රදේශයේ පදිංචි 39 හැවිරිදි මෙම සැකකරු මේ වන විට පැය 72ක රැඳවුම් නියෝගයක් යටතේ රඳවාගෙන සිටී. කොළඹ අපරාධ කොට්ඨාසය මේ පිළිබඳව වැඩිදුර විමර්ශන සිදු කරයි.
කොටහේනේ වෙඩි තැබීමට සම්බන්ධ සැකකරු අයිස් සමඟ අත්අඩංගුවට!
