ගංවතුර හේතුවෙන් විනාශ වී මිනිස් පරිභෝජනයට නුසුදුසු තත්ත්වයේ පවතින සහල්, කූඨ ලෙස ප්රතිසංස්කරණය කර යළි වෙළඳපොළට මුදා හැරීමේ ජාවාරමක් පිළිබඳ තොරතුරු මහජන සෞඛ්ය පරීක්ෂකවරුන් (PHI) විසින් අනාවරණය කරගෙන තිබේ. මෙම නීති විරෝධී ක්රියාවලියට සම්බන්ධ සැකකරුවන් කිහිපදෙනෙකු නීතිය හමුවට ගෙන ආවේ මහනුවර, හාරිස්පත්තුව ප්රදේශයේදීය.මහජන සෞඛ්ය පරීක්ෂකවරුන් පවසන පරිදි, අලෙවි කිරීමට සූදානම් කර තිබූ මිනිස් පරිභෝජනයට නුසුදුසු තත්ත්වයේ සහල් කිලෝග්රෑම් 1,000කට ආසන්න ප්රමාණයක් මෙහිදී අත්අඩංගුවට ගෙන ඇත. ස්වභාවික විපතකින් හානි වූ ආහාර ද්රව්ය මෙලෙස නැවත සකස් කර පාරිභෝගිකයින්ට සැපයීම තුළින් බරපතල සෞඛ්ය අවදානම් රැසක් ඇති විය හැකි බැවින්, මෙම ජාවාරමට සම්බන්ධ පුද්ගලයන්ට එරෙහිව නීතිය ක්රියාත්මක කිරීමට පියවර ගෙන ඇත.එබැවින්, මෙම දිනවල තමන් මිලදී ගන්නා සහල්වල ගුණාත්මකභාවය පිළිබඳව මහජනතාව දැඩි විමසිල්ලෙන් කටයුතු කළ යුතු බවට PHI වරුන් ජනතාවගෙන් විශේෂයෙන් ඉල්ලා සිටී. තවද, මෙවැනි නීති විරෝධී ක්රියාවන් හෝ සැක කටයුතු තත්ත්වයන් සම්බන්ධයෙන් ඔබට කිසියම් තොරතුරක් ඇත්නම්, වහාම ඔබේ ප්රදේශය භාර මහජන සෞඛ්ය පරීක්ෂකවරයා වෙත දැනුම් දෙන ලෙස ද ඔවුන් වැඩිදුරටත් දන්වා ඇත.
ගංවතුරින් හානි වූ සහල් ජාවාරම: කිලෝ 1,000ක් සමඟ සැකකරුවන් අල්ලයි!
