පාතාල කල්ලි නායකයකු වන “ගණේමුල්ල සංජීව” ඝාතනයට සම්බන්ධ වීම නිසා අත්අඩංගුවට ගත් ඉෂාරා සෙව්වන්දි, යුරෝපීය රටකට යෑමේ බලාපොරොත්තුවෙන් ඊට ආධාර කළ බවට විමර්ශකයන්ට ප්‍රකාශ කර ඇතැයි පොලිස් ආරංචි මාර්ග පවසයි.පිස්තෝලයක් සැඟවීම සහ එය ඝාතකයාට ලබා දීම සඳහා තමන් කෙහෙල්බද්දර පද්මේගෙන් කිසිදු මුදලක් ලබා නොගත් බව ද සෙව්වන්දි පොලිසියට පවසා තිබේ. ඇය එම ගිනි අවිය නීති පොතක් තුළ සඟවා රහසිගතව ප්‍රහාරය එල්ල කළ තුවක්කුකරුට ලබා දුන් බවට චෝදනා එල්ල වී ඇත.ඝාතනයෙන් පසු පද්මේ විසින් තමන්ට යුරෝපයට යෑමට කටයුතු සලසනු ඇතැයි අපේක්ෂාවෙන් සෙව්වන්දි නේපාලයට පලා ගොස් සැඟවී සිටි බවද පොලිසිය පැවසූ අතර, ඇය මේ වන විට මෙම නඩුව සම්බන්ධයෙන් පොලිස් ප්‍රශ්න කිරීම්වලට ලක්ව සිටී.මේ අතර, කොළඹ අපරාධ කොට්ඨාසයේ නිලධාරීන් විසින් ඉෂාරා සෙව්වන්දි කිලිනොච්චි ප්‍රදේශයට රැගෙන ගොස් ඇය ඉන්දියාවට පලා යෑමට පෙර රැඳී සිටි නිවාස දෙකක විමර්ශන පවත්වා ඇත.මෙම මෙහෙයුමේදී, කොළඹින් පැමිණි පොලිස් කණ්ඩායමක් විසින් නිවාස දෙකෙන් එකක සෙව්වන්දිට නවාතැන් ලබා දුන් පුද්ගලයකු ද අත්අඩංගුවට ගෙන ඇති බව පොලිස් ආරංචි මාර්ග වැඩිදුරටත් සඳහන් කළේය.
“ගණේමුල්ල සංජීව” ඝාතනය: සැකකාර ඉෂාරා සෙව්වන්දි යුරෝපයට යෑමේ බලාපොරොත්තුවෙන් උදව් දීලා!
