ජල කප්පාදුව සීමා වෙයි

හෙට (05) සිට ක්‍රියාත්මක වන පරිදි කොළඹ දිස්ත්‍රික්කයේ ප්‍රදේශ කිහිපයක දැනට පවතින ජල කප්පාදු කාලසීමාව සැලකිය යුතු ලෙස අඩු කිරීමට ජාතික ජලසම්පාදන හා ජලාපවහන මණ්ඩලය තීරණය කර තිබේ. ඒ අනුව හෝමාගම, පාදුක්ක, පන්නිපිටිය සහ පැලැන්වත්ත යන ප්‍රදේශවල මෙතෙක් පැවති ජල කප්පාදුව පැය 8ත් 12ත් අතර ප්‍රමාණයකින් ලිහිල් වනු ඇත. දෛනික ජල අවශ්‍යතා සපුරා ගැනීමේදී පාරිභෝගිකයන් මුහුණ දුන් දුෂ්කරතා මඟහරවා ගැනීම මෙම පියවරෙහි මූලික අරමුණයි.​එමෙන්ම එළඹෙන සිංහල හා දෙමළ අලුත් අවුරුදු උත්සව සමය වෙනුවෙන් ජනතාවට විශේෂ සහනයක් ලබාදීමට ද බලධාරීන් පියවර ගෙන ඇත. ඒ අනුව අප්‍රේල් මස 11 වනදා සිට 14 වනදා දක්වා කාලය තුළ දිවයිනේ කිසිදු ප්‍රදේශයක ජල කප්පාදුවක් සිදු නොවන බව මණ්ඩලය සහතික කරයි. උත්සව සමයේ ජල පරිභෝජනය ඉහළ යන බැවින් පාරිභෝගිකයින්ට බාධාවකින් තොරව සිය කටයුතු කරගෙන යාමට මේ හරහා අවස්ථාව හිමිවනු ඇත.