ඇමරිකානු ජනාධිපති ඩොනල්ඩ් ට්රම්ප් සහ ඔහුගේ පාලන යාන්ත්රණයට එරෙහිව එරට ඉතිහාසයේ දැකගත හැකි දැවැන්තම මහජන විරෝධතාවක් වන ‘No Kings’ ව්යාපාරය මේ වන විට ආරම්භ වී තිබේ. ලක්ෂ සංඛ්යාත ජනතාවක් වීදි බැස ඇති අතර, ඇමරිකාව පුරා ස්ථාන 3000කට අධික සංඛ්යාවක මෙම විරෝධතා ක්රියාත්මක වන බව විදෙස් මාධ්ය වාර්තා කරයි. ඉදිරි දිනවලදී තවත් ලක්ෂ ගණනක පිරිසක් මේ සඳහා එක්වනු ඇතැයි අපේක්ෂා කෙරේ.ප්රධාන නගර රැසක වීදි දිගේ දැවැන්ත පෙළපාලි පැවැත්වෙන අතර, ඇතැම් ස්ථානවල ගායනා, නර්තන සහ දේශන පවත්වමින් ජනතාව ඉතා ක්රියාශීලීව සිය විරෝධය පළ කරමින් සිටිති. ජනාධිපතිවරයාගේ නව ප්රතිපත්තිවලට අමතරව, දිනෙන් දින ඉහළ යන ජීවන වියදම සහ පවතින දේශපාලන තත්ත්වයන් කෙරෙහි මහජනතාව තුළ පවතින දැඩි අප්රසාදය මෙම විරෝධතාවලට ප්රධාන හේතුව වී ඇත.විශේෂයෙන්ම ඉරානය සමඟ ඇති කරගෙන තිබෙන යුදමය වාතාවරණයට එරෙහිව සාමකාමී විසඳුම් ඉල්ලා සිටින ජනතාව, ප්රජාතන්ත්රවාදී අයිතීන් සුරක්ෂිත කරන ලෙස බලධාරීන්ට බල කර සිටිති. මෙම සුවිශේෂී මහජන නැගිටීම ඇමරිකානු දේශපාලන ඉතිහාසයේ තීරණාත්මක සන්ධිස්ථානයක් වනු ඇති බවට දේශපාලන විචාරකයෝ අනාවැකි පළ කරති.
ට්රම්ප් පාලනයට එරෙහිව ‘No Kings’ දැවැන්ත ජන විරෝධතා!
