අවුරුදු 15ට අඩු ළමුන් සඳහා සමාජ මාධ්‍ය තහනම් කිරීමට ඩෙන්මාර්කය කටයුතු කරනු ඇතැයි අගමැති මෙට්ටේ ෆෙඩ්රික්සන් නිවේදනය කළේ, ඩිජිටල් වේදිකා “අපේ දරුවන්ගේ ළමා කාලය සොරකම් කරනවා” යැයි චෝදනා කරමිනි.පාර්ලිමේන්තුවේ සමාරම්භක අවස්ථාවට එක්වෙමින් ෆෙඩ්රික්සන් අඟහරුවාදා අනතුරු ඇඟවූයේ, තරුණයින් අතර කාංසාව (anxiety), මානසික අවපීඩනය (depression) සහ අවධානය යොමු කිරීමේ ගැටලු ඉහළ යෑමත් සමඟම සමාජය විසින් “යක්ෂයෙකු මුදා හැර ඇති” බවයි.”මීට පෙර කිසිදා මෙතරම් ළමයින් සහ තරුණයින් පිරිසක් කාංසාවෙන් හා මානසික අවපීඩනයෙන් පෙළී නැත,” ඇය පැවසුවාය.තවද, තිර මඟින් ළමයින් “කිසිම දරුවෙකු හෝ තරුණයෙකු නොදැකිය යුතු” අන්තර්ගතයන්ට නිරාවරණය කරන අතර ඔවුන්ගේ කියවීමේ සහ අවධානය යොමු කිරීමේ හැකියාවට බාධා කරන බව ෆෙඩ්රික්සන් සඳහන් කළාය.යෝජිත නීතිය මඟින් ප්‍රධාන වේදිකා කිහිපයකට ප්‍රවේශ වීම අවහිර කරනු ඇත, නමුත් දෙමාපියන්ට වයස අවුරුදු 13 සිට අවසර දිය හැකිය.මෙම තහනම ලබන වසර තරම් ඉක්මනින් ක්‍රියාත්මක කිරීමට රජය අපේක්ෂා කරයි.ඩිජිටල්කරණ අමාත්‍යවරිය වන කැරොලයින් ස්ටේජ්, මෙම සැලැස්ම “විප්ලවයක්” ලෙස හඳුන්වමින්, දරුවන් තාක්ෂණික සමාගම්වලට භාර දීමෙන් ඩෙන්මාර්කය “වැඩි විස්වාසයකින් යුතුව බොළඳ” වී ඇති බව පිළිගත්තාය.”අපි ඩිජිටල් වහල්භාවයෙන් (digital captivity) ප්‍රජාව (community) වෙත යා යුතුයි,” ඇය පැවසුවාය.වයස අවුරුදු 11 ත් 19 ත් අතර ඩෙන්මාර්ක පිරිමි ළමුන්ගෙන් සියයට 60 ක් කලාතුරකින් මිතුරන් මුණගැසෙන අතර, හත්වන ශ්‍රේණියේ සිසුන්ගෙන් සියයට 94 කට සමාජ මාධ්‍ය පැතිකඩ ඇති බව පෙන්වන දත්ත ද ෆෙඩ්රික්සන් උපුටා දැක්වූවාය.හානිකර ඇල්ගොරිතම වලින් ළමුන් ආරක්ෂා කිරීමේ අරමුණින් TikTok, YouTube, Facebook, Instagram සහ Snapchat සඳහා දැඩි වයස් සීමාවන් පැනවීමට ලොව පුරා ගෙන ඇති සමාන පියවරයන්ට ඩෙන්මාර්කයේ මෙම පියවර ද එකතු වේ.පසුගිය මාසයේ ප්‍රංශ පාර්ලිමේන්තු කමිටුවක් වයස අවුරුදු 15 ට අඩු ළමුන් සඳහා සමාජ මාධ්‍ය තහනම් කරන ලෙසත්, TikTok හි හානිකර බලපෑම උපුටා දක්වමින් යෞවනයන් සඳහා ඩිජිටල් ඇඳිරි නීතියක් ඉල්ලා සිටියේය.ඕස්ට්‍රේලියාව වයස අවුරුදු 16 ට අඩු ළමුන් සඳහා සමාජ මාධ්‍ය තහනම් කරමින් ලොව ප්‍රථම පනතක් හඳුන්වා දී ඇත. TikTok, Facebook, Snapchat, Reddit, X, සහ Instagram ඇතුළු වේදිකා වලට වයස අඩු ගිණුම් අවහිර කිරීමට අපොහොසත් වුවහොත් ඩොලර් මිලියන 33 ක් දක්වා දඩ මුදල් නියම කළ හැකිය.දකුණු කොරියාව 2026 මාර්තු මාසයේ සිට ක්‍රියාත්මක වන පරිදි පාසල් වේලාවන්හිදී දුරකථන සහ ස්මාර්ට් උපාංග තහනම් කරන නීති සම්මත කර ඇත.ෆින්ලන්තය, ඉතාලිය, නෙදර්ලන්තය සහ චීනය ඇතුළු බොහෝ ජාතීන් ද ඒ හා සමාන සීමාවන් ක්‍රියාත්මක කර ඇත.තුර්කිය විසින් අදියර වශයෙන් වයස් සීමාවන් සැලසුම් කරමින් සිටින අතර, තිර ඇබ්බැහිය “වසංගතයක් මෙන් පැතිර යන බවට” ජනාධිපති රෙසෙප් තායිප් එර්ඩෝගන් අනතුරු අඟවයි.මේ අතර, Roblox වැනි වේදිකා ද ළමා ආරක්ෂණයේ අසාර්ථකත්වය පිලිබඳ විවේචන වලින් පසුව වයස් සත්‍යාපනය සහ දෙමාපියන්ගේ පාලනයන් දැඩි කරමින් සිටී.
ඩිජිටල් “යක්ෂයාගෙන්” ළමයින් ආරක්ෂා කිරීමට ඩෙන්මාර්කයෙන් පියවර
