දකුණු පළාතේ මනුෂ්‍ය ඝාතන තුනකට අවශ්‍යව සිටි වෙඩික්කරුවෙකු ඇතුළු සැකකරුවන් තිදෙනෙකු, රුපියල් මිලියන 2.5ක් පමණ වටිනා හෙරොයින් තොගයක් සමඟ අනුරාධපුරයේදී අත්අඩංගුවට ගෙන ඇත.අත්අඩංගුවට ගත් සැකකරුවන් වන්නේ:
- හොරොව්පතාන, නෙළුගොල්ලෑව, නෙළුගොල්ලෑවේ පදිංචි, අවුරුදු 44ක යුද හමුදා සේවයෙන් පලා ගිය අයෙක්.
- මැදවච්චිය පදිංචි අවුරුදු 40ක අයෙක්.
- අනුරාධපුරය, පෙරියන්කුලම පදිංචි අවුරුදු 30ක අයෙක්.
ඝාතන තුනකට අවශ්‍යව සිටි වෙඩික්කරු අනුරාධපුරයේ, යාපනය හන්දියේදී අත්අඩංගුවට ගෙන ඇති අතර, මොහු ඩුබායි රාජ්‍යයේ සැඟවී සිටින සංවිධානාත්මක අපරාධකරුවෙකු යටතේ ක්‍රියාත්මක වූ මත්ද්‍රව්‍ය ජාවාරම්කරුවෙකු බවට හඳුනාගෙන තිබේ.සැකකරුවන් සන්තකයේ තිබී හෙරොයින් ග්‍රෑම් 88.490ක් (මිලිග්‍රෑම් 490ක්) පොලිස් භාරයට ගෙන ඇත.ඔවුන් අද (ඔක්තෝබර් 28) අනුරාධපුර මහේස්ත්‍රාත් අධිකරණය වෙත ඉදිරිපත් කිරීමට නියමිතය.
