මධ්යම සහ ඌව පළාත්වලත්, අම්පාර, මඩකලපුව සහ හම්බන්තොට දිස්ත්රික්කවලත් අද දිනයේ වැසි වාර කිහිපයක් අපේක්ෂා කෙරේ. බස්නාහිර සහ සබරගමුව පළාත්වල මෙන්ම ගාල්ල සහ මාතර දිස්ත්රික්කවල සවස් කාලයේදී (පස්වරු 2.00 න් පසු) ස්ථාන කිහිපයක වැසි හෝ ගිගුරුම් සහිත වැසි ඇති විය හැකියි. මීට අමතරව, බස්නාහිර, සබරගමුව, මධ්යම පළාත්වලත්, ගාල්ල සහ මාතර දිස්ත්රික්කවලත් උදෑසන කාලයේදී මීදුම් සහිත තත්ත්වයක් පැවතිය හැක. ගිගුරුම් සහිත වැසි සමග ඇති විය හැකි තාවකාලික තද සුළං සහ අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවට උපදෙස් ලබා දෙයි.මුහුදු ප්රදේශ සම්බන්ධයෙන් ගත් කල, ගාල්ල සිට හම්බන්තොට සහ පොතුවිල් හරහා මඩකලපුව දක්වා වන වෙරළට ඔබ්බෙන් වූ මුහුදු ප්රදේශවල වැසි හෝ ගිගුරුම් සහිත වැසි ඇති වේ. සුළඟ ඊසාන දෙසින් පැයට කිලෝමීටර් 30-40 ක වේගයෙන් හමා එන අතර, කළුතර සිට පුත්තලම හරහා මන්නාරම දක්වා සහ මාතර සිට හම්බන්තොට හරහා පොතුවිල් දක්වා වන මුහුදු ප්රදේශවල සුළගේ වේගය විටින් විට පැයට කිලෝමීටර් 45-50 දක්වා වැඩි විය හැකියි. මේ හේතුවෙන් එම මුහුදු ප්රදේශ විටින් විට රළු විය හැකි අතර දිවයින වටා වන සෙසු මුහුදු ප්රදේශ මධ්යස්ථ ස්වභාවයක් ගනු ඇත.
දිවයිනේ ප්රදේශ රැසකට වැසි: අකුණු අනතුරු පිළිබඳ අවධානයෙන් සිටින්න!
