මෙරට දේශීය කර්මාන්ත ක්ෂේත්රය නංවාලීම වත්මන් රජයේ ප්රධානතම ප්රමුඛතාවක් බව අග්රාමාත්ය ආචාර්ය හරිනි අමරසූරිය මහත්මිය ප්රකාශ කළාය. ඇය මේ බව පැවසුවේ කොළඹ සිරිමාවෝ බණ්ඩාරනායක අනුස්මරණ ප්රදර්ශන ශාලා පරිශ්රයේදී අද (13) පෙරවරුවේ ආරම්භ වූ ‘INCO 2026’ කර්මාන්ත හා වෙළඳ ප්රදර්ශනය නිල වශයෙන් විවෘත කිරීමේ අවස්ථාවට එක් වෙමිනි. ශ්රී ලංකා සංස්ථාපිත ඉංජිනේරුවන්ගේ ආයතනය මගින් 20 වන වරටත් සංවිධානය කරනු ලබන මෙම දැවැන්ත ප්රදර්ශනය ලබන 15 වනදා දක්වා පැවැත්වීමට නියමිතය.ඉංජිනේරු ක්ෂේත්රය යනු රටක ප්රායෝගික ගැටලු විසඳමින් කාර්යක්ෂමතාව සහ ආරක්ෂාව ඉහළ නැංවීමට දායක වන ප්රධාන බලවේගය බව අග්රාමාත්යවරිය මෙහිදී පෙන්වා දුන්නාය. විශේෂයෙන්ම ශිෂ්ය ප්රජාව නවෝත්පාදනයන් සඳහා යොමු කිරීමටත්, ඔවුන් දිරිමත් කිරීමටත් මෙවැනි ප්රදර්ශන මගින් ලැබෙන පිටුබලය අතිශය වැදගත් බව ඇය අවධාරණය කළාය. රටේ අනාගත කාර්මික සංවර්ධනය වේගවත් කිරීම සඳහා නව පරපුරේ දායකත්වය අත්යවශ්ය බවද ඇය වැඩිදුරටත් සඳහන් කළාය.රටේ කාර්මික ක්ෂේත්රය ඩිජිටල්කරණය කිරීමේ පියවරක් ලෙස ‘ජාතික කර්මාන්ත තොරතුරු පද්ධතිය’ (NIIS) හරහා මධ්යගත දත්ත වේදිකාවක් රජය විසින් ස්ථාපනය කර ඇති බව අගමැතිනිය මෙහිදී අනාවරණය කළාය. මෙයට අමතරව, දේශීය කර්මාන්තකරුවන් මුහුණ දෙන මූල්ය දුෂ්කරතා මඟහරවා ගැනීම සඳහා ‘ප්රතිචක්රීකරණ අරමුදල්’ (Revolving Funds) හරහා අවශ්ය මූල්ය පහසුකම් සැපයීමට ද රජය සක්රීයව මැදිහත් වන බව ඇය ප්රකාශ කළාය.මෙවර ප්රදර්ශනය සඳහා විදේශීය නියෝජිතයන්ගේ සහභාගිත්වය හිමි වීම දේශීය ව්යවසායකයන්ට මහඟු අවස්ථාවක් බව අග්රාමාත්යවරිය පෙන්වා දුන්නාය. ඒ හරහා ජාත්යන්තර තාක්ෂණය අත්හදා බැලීමටත්, නව විදේශීය වෙළඳපොළ අවස්ථා විවර කර ගැනීමටත් මෙරට ව්යවසායකයන්ට මග පෑදෙනු ඇත. ඉංජිනේරුවන්, විද්යාර්ථීන් සහ ව්යවසායකයන් රැසකගේ සහභාගිත්වයෙන් පැවැත්වෙන මෙම උළෙල රටේ කාර්මික අනාගතය වෙනුවෙන් තැබූ තීරණාත්මක පියවරක් ලෙස ඇය හැඳින්වූවාය.අපනයන සංවර්ධන මණ්ඩලයේ සභාපති මංගල විජේසිංහ, ජාතික කඩදාසි සමාගමේ සභාපති උපාලි රත්නායක සහ සංස්ථාපිත ඉංජිනේරුවන්ගේ ආයතනයේ සභාපති ආනන්ද ගුණවර්ධන යන මහත්වරුන් ඇතුළු දේශීය හා විදේශීය ආයෝජකයන් පිරිසක් මෙම සමාරම්භක අවස්ථාවට එක්ව සිටියහ. දේශීය කර්මාන්තකරුවන් බලගන්වන මෙම ප්රදර්ශනය ශ්රී ලංකාවේ ආර්ථික පුනර්ජීවනය උදෙසා වැදගත් සන්ධිස්ථානයක් වනු ඇතැයි උත්සවයට එක් වූ පිරිස විශ්වාසය පළ කළහ.
දේශීය කර්මාන්තකරුවන්ට නව ජවයක් දෙමින් ‘INCO 2026’ ඇරඹේ – අගමැතිනි හරිනි අමරසූරියගෙන් විශේෂ ප්රකාශයක්
