නව වාහන අංක තහඩු සඳහා ආරක්ෂිත ලක්ෂණ හතක් ඇතුළත් වන අතර, ඉන් ලක්ෂණ හයක් දැනටමත් මොරටුව විශ්ව විද්‍යාලය විසින් අනුමත කර (accredited) ඇති බව ප්‍රවාහන අමාත්‍ය බිමල් රත්නායක මහතා අද පාර්ලිමේන්තුවේදී පැවසීය.ආරක්ෂිත ලක්ෂණ හයෙන් යුත් නව අංක තහඩු නිකුත් කිරීම පිළිබඳ ප්‍රසම්පාදන ක්‍රියාවලිය අවසන් අදියරට පැමිණ ඇති බවත්, ඒ සඳහා සමාගම් තුනක් ලංසු ඉදිරිපත් කර ඇති බවත් අමාත්‍යවරයා සඳහන් කළේය.ඔහු පාර්ලිමේන්තුවට දැනුම් දුන්නේ, හත්වන ලක්ෂණය අනුමත කිරීමට (accredit කිරීමට) ඔවුන්ට ධාරිතාවක් නොමැති බව මොරටුව විශ්ව විද්‍යාලය දැනුම් දී ඇති බවත්, ඒ සඳහා ජාත්‍යන්තර රසායනාගාරයක සහාය ලබා ගැනීමට අවශ්‍ය බවත්ය.වසර 2000 සිට පසුගිය වසර 25 පුරාවටම තනි සමාගමක් විසින් අංක තහඩු නිකුත් කර ඇති බවත්, රජය විසින් 2025 දී නැවත ටෙන්ඩර් කැඳවා ඇති බවත් අමාත්‍යවරයා කීවේය.ආරක්ෂිත ලක්ෂණ අනුමත කිරීමේ ක්‍රියාවලියට දීර්ඝ කාලයක් ගතවීම සහ දීර්ඝ කාලයක් තිස්සේ තනි සමාගමක් විසින් මෙම කටයුත්ත මෙහෙයවීම හේතුවෙන් ඇති වූ සංකීර්ණතා නිසා අංක තහඩු නිකුත් කිරීමේ ක්‍රියාවලිය ප්‍රමාද වන බව අමාත්‍යවරයා වැඩිදුරටත් පැවසීය.2025 සැප්තැම්බර් 30 වන විට වාහන 165,512 කට අංක තහඩු නොමැති වීම හේතුවෙන් ඒවා නිකුත් කර නොමැති බව ද ඔහු හෙළි කළේය.
නව වාහන අංක තහඩු මුද්‍රණය: ආරක්ෂිත ලක්ෂණ හතක් සහ ප්‍රසම්පාදන ක්‍රියාවලිය අවසන් අදියරේ
