ඊයේ (27) දින, හඟුරන්කෙත, මාඔය-කොස්ගලන්ද, උණුවින්න ප්‍රදේශයේ නායයෑමකට හසුවී සිටි පුද්ගලයන් 37 දෙනෙකු ශ්‍රී ලංකා නාවික හමුදාව විසින් ආරක්ෂිතව ඉවත් කරන ලදී. නාවික හමුදාවට අනුව, මඩ කන්දක් කඩා වැටීම හේතුවෙන් මාඔය උණුවින්න ගම්මානයට පිවිසෙන එකම මාර්ගය අවහිර වීම නිසා පවුල් 17 ක් මෙලෙස සිරවී සිට ඇත. ප්‍රදේශවාසීන්ගේ සහාය ඇතිව ක්‍රියාත්මක වූ නාවික හමුදා සහන කණ්ඩායම, 18 දෙනෙකු ද ඇතුළුව එම පුද්ගලයන් සියලු දෙනාම සාර්ථකව සහ ආරක්ෂිතව මුදාගෙන ඇත.
නාවික හමුදා මැදිහත්වීමෙන් නායයෑමට හසුවූ පවුල් 17ක් බේරගනී
