නවතම වාර්තාවලට අනුව, නාය යෑම් සහ ඊට අදාළ බලපෑම් හේතුවෙන් නිවාස 1,289ක් සම්පූර්ණයෙන්ම විනාශ වී ඇති අතර, ආසන්න වශයෙන් නිවාස 44,500කට අර්ධ වශයෙන් හානි සිදුවී ඇති බව ජාතික නිවාස සංවර්ධන අධිකාරිය (NHDA) සඳහන් කරයි. ජනාධිපති අනුර කුමාර දිසානායක මහතා සහ මුදල් අමාත්යාංශ නිලධාරීන් මෙන්ම ජාතික නිවාස සංවර්ධන අධිකාරියේ නිලධාරීන් අතර අද (04) පෙරවරුවේ ජනාධිපති ලේකම් කාර්යාලයේ පැවති හමුවකදී අධිකාරියේ නිලධාරීන් ජනාධිපතිවරයා මේ පිළිබඳව දැනුවත් කර ඇත. මෙම හමුවේදී, ජනාධිපති අනුර කුමාර දිසානායක මහතා මුදල් අමාත්යාංශයේ සහ NHDA නිලධාරීන්ට උපදෙස් දුන්නේ අයහපත් කාලගුණික තත්ත්වයන්ගෙන් හානියට පත් වූ සම්පූර්ණ හා අර්ධ හානි වූ නිවාස හඳුනාගැනීම නිසි හා විනිවිදභාවයෙන් යුතු ක්රමවේදයකට අනුව සිදු කරන ලෙසටය. තවද, වන්දි ගෙවීමේ ක්රියාවලිය සඳහා අත්යවශ්ය වන නිවැරදි දත්ත කාර්යක්ෂමව රැස් කිරීම සඳහා විශේෂ යාන්ත්රණයක් ස්ථාපිත කරන ලෙසට ද එතුමා උපදෙස් දුන්නේය. අවදානම් සහ ආපදා බහුල ප්රදේශවල ජීවත් වන ජනතාවට නැවත නැවතත් මෙවැනි විපත්වලට මුහුණ නොදෙන ලෙසට දිගුකාලීන හා ස්ථාවර විසඳුම් ලබා දීමේ වැදගත්කම අවධාරණය කළ ජනාධිපතිවරයා, මෙම ප්රයත්නයන්ට සහාය වීම සඳහා විශ්වාසදායක දත්ත රැස් කිරීමට ප්රමුඛත්වය දෙන ලෙස නිලධාරීන්ට උපදෙස් ලබා දුන්නේය.
නිවාස හානි තක්සේරුවට විනිවිදභාවයෙන් යුතු ක්රමවේදයක්!
