වසර 11කට පසු පාකිස්තාන විස්සයි20 කණ්ඩායමක් ශ්රී ලංකාවේදී සහභාගී වන තරගාවලිය අද (ජනවාරි 07) රාත්රී 7.00 ට රංගිරි දඹුල්ල ජාත්යන්තර ක්රිකට් ක්රීඩාංගණයේදී ආරම්භ වේ. තරග 3කින් සමන්විත මෙම සමස්ත තරගාවලියම දඹුල්ලේදී පැවැත්වෙන අතර, ජයග්රාහකයින්ට පිරිනැමෙන නිල කුසලානය දෙපිලේ නායකයින්ගේ සහභාගීත්වයෙන් ඊයේ උත්සවාකාරයෙන් එළිදක්වන ලදී. ක්රිකට් ලෝලීන්ගේ දැඩි අවධානය දිනාගත් මෙම තරගාවලිය හරහා දෙරට අතර ක්රිකට් සබඳතා තවදුරටත් ශක්තිමත් වනු ඇතැයි අපේක්ෂා කෙරේ.මෙම තරගාවලිය සඳහා ශ්රී ලංකා සංචිතය අලුත් මුහුණුවරකින් සැකසී ඇති අතර, දක්ෂ දඟ පන්දු යවන ක්රීඩක ට්රැවින් මැතිව් පළමුවරට ජාතික විස්සයි20 සංචිතයට කැඳවා තිබීම විශේෂත්වයකි. මීට අමතරව, අත්දැකීම් බහුල ක්රීඩකයින් වන චරිත් අසලංක, ධනංජය ද සිල්වා සහ දුනිත් වෙල්ලාලගේ යළිත් කණ්ඩායම සමඟ එක්ව සිටිති. මෙම නවක සහ ප්රවීණ ක්රීඩකයින්ගේ සංකලනය පාකිස්තාන අභියෝගයට සාර්ථකව මුහුණ දීම සඳහා ශ්රී ලංකා කණ්ඩායමට විශාල ශක්තියක් වනු නොඅනුමානය.ක්රීඩාවට පමණක් සීමා නොවී සමාජ සත්කාරයක් ලෙස මෙම තරගාවලියෙන් ලැබෙන සම්පූර්ණ ආදායම ‘Rebuilding Sri Lanka’ අරමුදලට පරිත්යාග කිරීමට ශ්රී ලංකා ක්රිකට් ආයතනය තීරණය කර ඇත. දඹුල්ලේ දිවා රාත්රී තරගයක් ලෙස පැවැත්වෙන මෙම පළමු ගැටුම නැරඹීමට විශාල ප්රේක්ෂක පිරිසක් පැමිණෙනු ඇතැයි බලාපොරොත්තු වන අතර, එය රටේ සංවර්ධන කටයුතු සඳහා ද දායකත්වයක් ලබා දෙන වටිනා අවස්ථාවකි.
පාකිස්තාන – ශ්රී ලංකා තරගාවලිය අද දඹුල්ලේදී: වසර 11කට පසු ලැබෙන සුපිරි අත්දැකීමක්!
