සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පවසා සිටියේ, ශ්‍රී ලංකාව තුළ බෝ නොවන රෝග (NCDs) වර්ධනය වන බර අඩු කිරීමේ කටයුතු කරගෙන යන විට, ප්‍රාථමික සෞඛ්‍ය සේවය ශක්තිමත් කිරීම රජයේ සෞඛ්‍ය ප්‍රතිපත්තියේ මූලික ප්‍රමුඛතාවය ලෙස පවතින බවයි.ඊයේ පැවති බෝ නොවන රෝග පිළිබඳ ජාතික කවුන්සිලයේ 2025 වසරේ පළමු රැස්වීමට අදහස් දක්වමින් අමාත්‍යවරයා සඳහන් කළේ, ග්‍රාමීය මට්ටමේ අවදානමට ලක්විය හැකි ප්‍රජාවන් සඳහා මුල් අවධියේදී රෝග හඳුනා ගැනීම සහ සත්කාර සඳහා සහාය වීමේදී ආරෝග්‍යා සුබසාධන මධ්‍යස්ථාන ව්‍යාපෘතිය ප්‍රධාන කාර්යභාරයක් ඉටු කරන බවයි.”හෘද රෝග, දියවැඩියාව, පිළිකා, අධි රුධිර පීඩනය සහ මානසික සෞඛ්‍ය ආබාධ වැනි බෝ නොවන රෝග, තිරසාර සංවර්ධන ඉලක්ක සපුරා ගැනීම සඳහා ප්‍රධාන බාධකයක්” බවට වෛද්‍ය ජයතිස්ස මහතා අනතුරු ඇඟවූ අතර, රට පුරා වැළැක්වීමේ ක්‍රියාමාර්ග සහ වැඩිදියුණු කළ පරීක්ෂණ පද්ධති කඩිනම් කරන ලෙස ඉල්ලා සිටියේය. “වැලැක්විය හැකි රෝග බර අඩු කිරීමට නම් මුල් මැදිහත්වීම ශක්තිමත් කිරීම අත්‍යවශ්‍ය වේ.”සෞඛ්‍ය හා ජනමාධ්‍ය අමාත්‍යාංශයේ පැවති මෙම රැස්වීමට ජ්‍යෙෂ්ඨ සෞඛ්‍ය අමාත්‍යාංශ නිලධාරීන්, වෛද්‍ය විශේෂඥයින් සහ රජයේ අංශ කිහිපයක නියෝජිතයින් සහභාගී වූ අතර, ඉදිරි වසර සඳහා ප්‍රගතිය ඇගයීමට හා උපාය මාර්ග පෙළගැස්වීමට ඔවුන් එක් විය.සෞඛ්‍ය ප්‍රතිඵල වැඩිදියුණු කිරීම සඳහා අවශ්‍ය පවතින අඩුපාඩු සහ ප්‍රමුඛතා ක්‍රියාමාර්ග ගෙනහැර දක්වමින්, ලෝක සෞඛ්‍ය සංවිධානයේ විශේෂඥයින් විසින් සකස් කරන ලද විශේෂ පිළිකා පාලන තක්සේරුවක් සැසිවාරයේදී අමාත්‍යවරයා වෙත ඉදිරිපත් කරන ලදී.ජාතික බෝ නොවන රෝග වැළැක්වීමේ අඛණ්ඩ ප්‍රයත්නයන් තීව්‍ර කිරීමට කවුන්සිලය එකඟ වූ අතර, උග්‍රවන සෞඛ්‍ය තර්ජනයෙන් මහජනතාව ආරක්ෂා කර ගැනීම සඳහා අමාත්‍යාංශ හරහා වැඩි දියුණු කළ සහයෝගීතාවය අත්‍යවශ්‍ය බව හඳුනා ගන්නා ලදී.
බෝ නොවන රෝග පාලනයට ප්‍රමුඛතාව: ප්‍රාථමික සෞඛ්‍ය සේවය ශක්තිමත් කෙරේ
