ශ්‍රී ලංකාවේ මන්නාරම සහ ඉන්දියාවේ රාමේෂ්වරම් අතර ෆෙරී බෝට්ටු සේවාව යළි ආරම්භ කිරීමේ කටයුතු ඉක්මන් කරන බව ජනාධිපති අනුර කුමාර දිසානායක පවසයි.
මන්නාරමේදී අදහස් පළ කරමින් ජනාධිපතිවරයා මේ බව සඳහන් කළේය.
මේ සම්බන්ධයෙන් ඉන්දීය රජය සමඟ සාකච්ඡා කිරීමට සැලසුම් කර ඇති බව ජනාධිපති අනුර කුමාර දිසානායක වැඩිදුරටත් පැවසීය.
2023 නොවැම්බර් මාසයේදී රාමේෂ්වරම් සහ තලෙයිමන්නාරම අතර මගී බෝට්ටු සේවාව නැවත ආරම්භ කරන බවට පුවත් වාර්තා විය.
1914 සිට 1964 දක්වා රාමේෂ්වරම් සහ තලෙයිමන්නාරම අතර බෝට්ටු සේවාවක් ක්‍රියාත්මක වූ නමුත්, ධනුෂ්කොඩිට බලපෑ සුළි කුණාටුවෙන් පසු එය අත්හිටුවනු ලැබිණි.
