මියන්මාරයේ විපතට පත් ජනතාවට සහන සැලසීම සඳහා ඇමරිකානු ඩොලර් මිලියනයක මූල්‍ය ආධරයක් ලබා දීමට කැබිනට් මණ්ඩලය තීරණයකළ බව කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා පැවසීය.
අද(02) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා මේ බව පැවසීය.
මේ වන විට මියන්මාර ජනතාව වෙත යැවීමට සහනාධාර ලබාදීම සඳහා විහාරස්ථාන 45ක ලැයිස්තුවක් ප්‍රකාශයට පත් කර ඇති බවත් ජනතාව එකතුකරන එම ආධාර බෙදාදීම සඳහා රජය මැදිහත් වෙන බවද අමාත්‍යවරයා පැවසීය.
මීට අමතරව, විපතටපත් වූ පිරිසට සහාය වීම සඳහා වෛද්‍ය කණ්ඩායම් සහ සෞඛ්‍ය අංශයේ සහාය ලබා දීමට එම කණ්ඩායමක් සූදානම් කර තිබෙනවා. ශ්‍රී ලංකා ගුවන් හමුදාවේ සහ නාවික හමුදාවේ හෙද නිලධාරින්ට අමතරව සෞඛ්‍ය අමාත්‍යංශයේ හදිසි ප්‍රතිකාර ලබා දෙන වෛද්‍යවරු කණ්ඩායමක් සූදානම් කර තිබෙනවා.
මේ වන විට මියන්මාරයේ ජනතාව 2700ක් පමණ මියගොස් ඇතැයි ජාත්‍යන්තම මාධ්‍ය වාර්තා කර තිබෙනවා.
එසේම පුද්ගලයන් විශාල සංඛ්‍යවක් අතුරුදහන් වී ඇතැයි වාර්තා වෙනවා. ශ්‍රී ලංකාව සහ මියන්මාරය අතර සියවස් ගණනාවක සිට ආර්ථික ආගමික සහ සංස්කාථික ක්ෂේත්‍ර රැසක දැඩි සම්බන්ධතාවයක් පවතිනවා.
රටවල් දෙකෙහිම බෞද්ධ ජනතාව වාසය කරනවා.දෙරට අතර බෞද්ධ ජනතාව සහ භික්ෂූන් වහන්සේලා අතර දැඩි සම්බන්ධතාවයක් පවතිනවා. ඒම නිසා
ශ්‍රී ලංකා රජය විසින් මියන්මාරයේ භූ කම්පනයෙන් විපතට පත් පිරිස වෙනුවෙන් අමෙරිකානු ඩොලර් මිලියන 1 ක මානුෂීය ආධාර ලබා දීමට රජය තීරණය කළා.
