ජාතික මානසික සෞඛ්ය විද්යායතනයේ සියවස් පූර්ණ සැමරුම් උළෙලට එක්වෙමින් සෞඛ්ය නියෝජ්ය අමාත්ය වෛද්ය හංසක විජේමුණි මහතා ප්රකාශ කළේ, වසර සියයකට වඩා පැරණි මෙරට මානසික සෞඛ්ය ප්රතිපත්තිය නව්යකරණය කිරීමට රජය පියවර ගෙන ඇති බවයි. වත්මන් අවශ්යතාවලට ගැළපෙන පරිදි නව ‘මානසික සෞඛ්ය පනතක්’ කඩිනමින් හඳුන්වා දීම මෙම වැඩපිළිවෙළේ මූලික අරමුණ වී තිබේ.ශ්රී ලංකාවේ මානසික සෞඛ්ය සේවාව මේ වන විට තීරණාත්මක හැරවුම් ලක්ෂ්යයක පවතින බව පෙන්වා දුන් අමාත්යවරයා, පැරණි ක්රමවේද වෙනුවට නූතන තාක්ෂණය හා ප්රවේශයන් මුසු වූ නව දැක්මක් සහිත නීති පද්ධතියක අවශ්යතාවය අවධාරණය කළේය. ඒ අනුව, මෙම ක්ෂේත්රය කාලෝචිත ලෙස යාවත්කාලීන කිරීම රජයේ ප්රමුඛ කාර්යයක් බව ද හෙතෙම සඳහන් කළේය.නව පනතට අදාළ මූලික කෙටුම්පත් දැනටමත් සකස් කර ඇති අතර, ඒවා අනුමැතිය සඳහා කැබිනට් මණ්ඩලය සහ පාර්ලිමේන්තුව වෙත යොමු කිරීමට පියවර ගෙන තිබේ. මෙය තරමක් අසීරු මෙන්ම සංකීර්ණ ක්රියාවලියක් වුවද, ඉතාමත් විනිවිදභාවයකින් යුතුව මෙම නීති ප්රතිසංස්කරණ සිදු කිරීමට සෞඛ්ය අමාත්යාංශය කටයුතු කරමින් සිටියි.මෙම ක්රියාවලියේ මීළඟ සුවිශේෂී පියවර ලෙස, කෙටුම්පත් කරන ලද නව පනත සම්බන්ධයෙන් මහජන අදහස් විමසීමට නියමිතය. ජනතාවගේ යෝජනා හා උපදෙස් ද සැලකිල්ලට ගනිමින් වඩාත් ප්රායෝගික සහ මානුෂීය ගුණයෙන් හෙබි මානසික සෞඛ්ය පනතක් මෙරටට දායාද කිරීම රජයේ අවසන් අරමුණ බව නියෝජ්ය අමාත්යවරයා වැඩිදුරටත් කියා සිටියේය.
මෙරට මානසික සෞඛ්ය ක්ෂේත්රයේ සියවස් සැමරුම සමඟින් එන දැවැන්ත නීතිමය වෙනස
