මෙරටින් චිකන් ගුන්යා රෝගීන් වාර්තාවීම ඉහළ ගොස් ඇතැයි, සෞඛ්‍ය අංශ පෙන්වා දෙයි.
රිජ්වේ ආර්යා ළමා රෝහලේ ළමා රෝග විශේෂඥ වෛද්‍ය දීපාල් පෙරේරා මහතා සඳහන් කළේ, වර්ෂාධික කාලයේ මදුරු ගහනය ඉහළ යාම, ඊට හේතුවී ඇති බවයි.
ඩෙංගු උණට සමාන රෝග ලක්ෂණ සහිත චිකන් ගුන්යා, ජනතාවට වැළදෙන්නේ, ඊඩිස් නම් මදුරු විශේෂය මගිනි.
මදුරු ගහනය අවම කිරීම සම්බන්ධයෙන් විශේෂ අවධානයක් යොමු කරන්නැයි විශේෂඥ වෛද්‍ය දීපාල් පෙරේරා මහතා ජනතාවගෙන් ඉල්ලීමක් කළේ ය.
