යාපනය ඓතිහාසික පැරණි උද්යාන (Old Park) පරිශ්රය තුළ යෝජිත ගෘහස්ථ ක්රීඩාංගණයක් ඉදිකිරීමට එරෙහිව යාපනය මහාධිකරණය විසින් අතුරු තහනම් නියෝගයක් නිකුත් කර ඇත. මීට පෙර එම ඉදිකිරීම් සඳහා දිසා අධිකරණය ලබා දී තිබූ අවසරය බලරහිත කරමින් පැනවූ මෙම නියෝගය, පෙත්සම විභාග කර අවසන් තීන්දුව ලබා දෙන තෙක් ක්රියාත්මක වන බව ඉකුත් සතියේ අධිකරණ වාරයේදී ප්රකාශයට පත් කෙරිණි. නඩුව විභාග වන තෙක් එහි කිසිදු ඉදිකිරීමක් සිදු නොවන බවට සහතිකයක් ලබා දිය හැකිදැයි විමසූ අවස්ථාවේදී, නීතිපති දෙපාර්තමේන්තුව ඒ සඳහා වැඩිදුර කාලය ඉල්ලා සිටියේය.තරුණ කටයුතු හා ක්රීඩා අමාත්යාංශය විසින් රුපියල් මිලියන 170 ක පිරිවැයකින් ආරම්භ කළ මෙම ව්යාපෘතියට එරෙහිව පෙත්සම්කරුවන් තර්ක කරන්නේ, මෙම භූමිය 1853 වසරේදී බ්රිතාන්ය පරිපාලකයෙකු වූ ශ්රීමත් පර්සිවල් ඇක්ලන්ඩ් ඩයික් විසින් පොදු පරිත්යාගයක් ලෙස ලබා දුන් ඓතිහාසික දේපළක් බවයි. මේ සම්බන්ධයෙන් ඉදිරිපත් වන විරෝධතා සලකා බැලීම සඳහා මහාධිකරණය ලබන අප්රේල් 30 වනදා දින නියම කර ඇත.
යාපනය පැරණි උද්යානයේ ගෘහස්ථ ක්රීඩාංගණ ඉදිකිරීමට මහාධිකරණයෙන් තහනම් නියෝගයක්
