රජයේ වෛද්ය නිලධාරීන්ගේ සංගමය (GMOA) අනතුරු අඟවා සිටින්නේ, වෛද්යවරුන් සහ නිදහස් සෞඛ්ය සේවාව මුහුණ දෙන ගැටලු විසඳීම සඳහා සෞඛ්ය අමාත්යවරයා සමඟ ඇති කරගත් එකඟතාවන් ක්රියාත්මක නොකළහොත් ලබන ජනවාරි 23 වැනිදා සිට දිවයින පුරා අඛණ්ඩ වෘත්තීය සමිති ක්රියාමාර්ගයක් ආරම්භ කරන බවයි. 2026 අයවැය මගින් වෛද්ය වෘත්තියට සහ සෞඛ්ය ක්ෂේත්රයට බලපාන ප්රධාන ගැටලුවලට විසඳුම් ලබා දීමට අපොහොසත් වීම හේතුවෙන් වෛද්යවරුන් අතර දැඩි නොසන්සුන්තාවක් වර්ධනය වෙමින් පවතින බව එම සංගමය ජනවාරි 19 වැනිදා නිකුත් කළ නිවේදනයක සඳහන් වේ. මීට පෙර ජනාධිපතිවරයා සහ සෞඛ්ය අමාත්යවරයා සමඟ පැවැති සාකච්ඡාවලින් අනතුරුව ලැබුණු ලිඛිත පොරොන්දු මත වෘත්තීය සමිති ක්රියාමාර්ග තාවකාලිකව අත්හිටුවා තිබූ අතර, සියලු පාර්ශවයන්ගේ එකඟතාවය ඇතිව “ශ්රී ලංකා වෛද්ය සේවය” නමින් විශේෂ සේවා ගණයකට අදාළ කැබිනට් පත්රිකාවක් අනුමත කිරීම ද ඊට ඇතුළත් විය.මීට අමතරව, DAT දීමනාව යාවත්කාලීන කිරීම, 22/99 චක්රලේඛයට අනුව ප්රවාහන ගැටලු විසඳීම, අතිරේක රාජකාරි දීමනාව ස්ථිර දීමනාවක් බවට පත් කිරීම සහ පර්යේෂණ දීමනා ගැටලුව සම්බන්ධයෙන් ජනවාරි 5 වැනිදා සිට මුදල් අමාත්යාංශය සමඟ සාකච්ඡා ආරම්භ කිරීම ඇතුළු තීරණ රැසකට එහිදී එකඟතාව පළ වී තිබුණි. කෙසේ වෙතත්, එම එකඟතාවන් ක්රියාත්මක කිරීමට හෝ සාකච්ඡා ආරම්භ කිරීමට රජය අපොහොසත් වීම නිසා මෙම දැඩි වෘත්තීය සමිති ක්රියාමාර්ගයට අවතීර්ණ වීමට සිදුව ඇති බව GMOA පෙන්වා දෙයි. නියමිත කාලය තුළ සෞඛ්ය අමාත්යාංශය විසඳුම් ලබා නොදුනහොත්, මෙම වැඩවර්ජනය හේතුවෙන් සෞඛ්ය ක්ෂේත්රය තුළ අනවශ්ය අර්බුදයක් නිර්මාණය වීමේ වගකීම රජය භාරගත යුතු බවත්, වෛද්යවරුන්ට සහ නිදහස් සෞඛ්ය සේවයට යුක්තිය ඉටු වන තෙක් උපරිම ක්රියාමාර්ග ගන්නා බවත් එම සංගමය වැඩිදුරටත් අවධාරණය කරයි.
රටේ සෞඛ්යය අනතුරේ: ජනවාරි 23 සිට වෛද්යවරුන් දිවයින පුරා අඛණ්ඩ වැඩවර්ජනයක!
