රාජ්ය අංශයේ ඉංජිනේරු තනතුරු සඳහා පුද්ගලයින් බඳවා ගැනීමේදී පවතින සුදුසුකම් සම්බන්ධ ගැටලු පිළිබඳව සිවිල් බුද්ධි පෙරමුණේ සංජය මහවත්ත මහතා අද (21) පැවැති මාධ්ය හමුවකදී සිය දැඩි අවධානය යොමු කළේය. මෙරට ක්රියාත්මක වන ප්රධාන පෙළේ ඉංජිනේරු ව්යාපෘති සහ රාජ්ය ආයතනවල පත්වීම් සම්බන්ධයෙන් මීට පෙරද කරුණු අනාවරණය කර ඇති බව සිහිපත් කළ ඒ මහතා, වෘත්තීය මට්ටමේ පත්වීම් ලබාදීමේදී අදාළ විධිමත් ලියාපදිංචිය සහ නිසි සුදුසුකම් සලකා බැලීමේ අත්යාවශ්යතාවය අවධාරණය කළේය.විශේෂයෙන්ම දැනටමත් සුදුසුකම් නොමැති පුද්ගලයින් කිහිප දෙනෙකු මෙවැනි වගකිවයුතු තනතුරුවල රැඳී සිටින බවට තොරතුරු ලැබී ඇති බව මෙහිදී හෙළිදරව් විය. නිසි ප්රමිතියෙන් තොර පුද්ගලයින් මෙවැනි ක්ෂේත්රවලට බඳවා ගැනීම හරහා බරපතල වෘත්තීයමය ගැටලු රැසක් නිර්මාණය විය හැකි බවත්, එය රටේ සංවර්ධන ව්යාපෘතිවල ගුණාත්මකභාවයට ඍජුවම බලපාන බවත් හෙතෙම පෙන්වා දුන්නේය.මෙම අත්තනෝමතික පත්වීම් හේතුවෙන් වසර ගණනාවක් කැපවී ඉගෙනුම ලැබූ, සැබෑ සුදුසුකම් සපිරූ දක්ෂ වෘත්තිකයින්ට හිමිවිය යුතු අවස්ථාවන් අහිමි වී යාමේ අවදානමක් පවතින බවද සංජය මහවත්ත මහතා වැඩිදුරටත් ප්රකාශ කළේය. සුදුසුකම් ඇති පුද්ගලයන්ට නිසි තැන ලබා දෙන විනිවිදභාවයකින් යුත් බඳවා ගැනීමේ ක්රියාවලියක වැදගත්කම පිළිබඳව ඔහු මෙහිදී රජයේ බලධාරීන්ගෙන් ඉල්ලා සිටියේය.
රාජ්ය අංශයේ ඉංජිනේරු පත්වීම්වල ගැටලු සහගත තත්ත්වයක් ගැන සිවිල් බුද්ධි පෙරමුණෙන් අනතුරු ඇඟවීමක්!
