රජයේ වාහනත් පරීක්ෂා කරයි…
……………………..
ක්ලින් ශ්‍රී ලංකා වැඩසටහනින් මෝටර් රථ දෙපාර්තමේන්තුවයි පොලිසියයි අඛන්ඩවම මෙහෙයුම්…
වායු දූෂණය කරන මෝටර් රථය මහ මඟදී අල්ලා පරීක්ෂා කිරීමේ වැඩසටහනක් මෝටර් රථ ප්‍රවාහන දෙපාර්තමේන්තුවෙන්..
පොලිසිය ඒකාබද්ධව දිවයින පුරා ක්‍රියාත්මකයි..
මේ වැඩසටහන අනුව මහ මග ගමන් කරන මෝටර් රථ නවත්වා වායු විමෝචන පරීක්ෂණ සිදු කරනවා..
මෝටර් රථ ප්‍රවාහන දෙපාර්තමේන්තුව පොලිස් නිලධාරීන් සමග ඒකාබද්ධ වෙමින් හයිලෙවල් මාර්ගයේ අද පෙරවරුවේ සිට මෙම දුම් පරීක්ෂණ සිදුකළා..
එම දුම් පරීක්‍ෂණවලින් අසමත් වන රථ වාහන සඳහා දඩ නියම කිරීමක් සිදු නොකලත් දින හතක කාලයකදී එම වාහන නඩත්තු කර නැවත වේරහැර මෝටර් රථ ප්‍රවාහන දෙපාර්තමේන්තුව ශාඛාවට පෙන්වීමට නියෝග කලා..
මෙහිදී මෝටර් රතවල ඇති වෙනත් අඩුපාඩු පිළිබඳවත් රියදුරන් දැනුවත් කළා..
රජයේ වාහනද මෙහිදී පරීක්ෂා කිරීම විශේෂත්වයක්..
මෝටර් රථය ප්‍රවාහන දෙපාර්තමේන්තුවේ වාහන පරීක්ෂකවරුන් මෙහිදී මාධ්‍ය වෙත අදහස් දැක්වූවා..
මෝටර් රථ පරීක්ෂකවරුන් කියා සිටියේ ක්ලීන් ශ්‍රී ලංකා වැඩසටහන යටතේ මෙම ව්‍යාපෘතිය තවත් පුළුල් කරමින්, දිවයින පුරාම මෙම දුම් පරීක්ෂාව සිදු කිරීම වැඩිකර ඇති බවයි..
මෙම ස්ථානයේ නවත්වා පරීක්ෂා කරන මෝටර් රථ සඳහා දඩ මුදල් අය නොකළත් එම වාහන නැවත නිවැරදි කර ගැනීමට ඔවුන්ට කාලය ලබා දී ඇති බවත් පැවසුවා..
එසේ නඩත්තු නොකරන වාහන සම්බන්ධයෙන් නීතිමය පියවර ගැනීමට ඉදිරියේදී කටයුතු කරන බවයි වැඩිදුරටත් සඳහන් කළේ..
යාපනය ප්‍රදේශයේ වායු දුෂණය පිළිබඳවද මෙහිදී කරුණු පැහැදිලි කළා..
