ශ්රී ලංකාවේ සංචාරයක නිරත වූ එක්සත් ජනපද රාජ්ය දෙපාර්තමේන්තුවේ දේශපාලන කටයුතු පිළිබඳ නියෝජ්ය ලේකම් ඇලිසන් හුකර් මහත්මිය ජනාධිපති අනුර කුමාර දිසානායක මහතා හමු වී ඇමරිකාව සහ ශ්රී ලංකාව අතර සමුද්රීය හා ආර්ථික සබඳතා ශක්තිමත් කිරීම පිළිබඳ සාකච්ඡා කළාය. එක්සත් ජනපද තානාපතිනි ජූලී චුන්ග් මහත්මිය සමාජ මාධ්ය සටහනක සඳහන් කළේ, සමුද්රීය ආරක්ෂක ප්රයත්න ශක්තිමත් කිරීම සඳහා පසුගිය සතියේ ශ්රී ලංකාවට යාත්රාවක් පිරිනැමීම ඇතුළු ගැඹුරු සමුද්රීය සහයෝගිතාව කෙරෙහි මෙම හමුවේදී අවධානය යොමු වූ බවයි. එවැනි සහයෝගීතාවන් ශ්රී ලංකාවේ ස්වෛරීත්වයට ගරු කරමින් පොදු උපායමාර්ගික අවශ්යතාවලට සහාය වීම අරමුණු කරන බව ද නිලධාරීහු අවධාරණය කළහ. වෙළඳාම, ආයෝජන සහ ශ්රී ලංකාවේ ප්රකෘතිමත් වීමේ ප්රයත්නයන් අඛණ්ඩව සිදුවෙද්දී කඩිනම් ස්ථායිතාව සහතික කිරීම ඇතුළු ආර්ථික ප්රමුඛතා පිළිබඳව ද සාකච්ඡා කෙරිණි. ‘දිට්වාවෙන්’ අහිමි වූ ජීවිත සම්බන්ධයෙන් ඇමරිකානු නියෝජිත පිරිස සිය ශෝකය පළ කළ අතර, ශක්තිමත් ද්විපාර්ශ්වික හවුල්කාරිත්වයක් සඳහා වන ඔවුන්ගේ කැපවීම නැවත තහවුරු කළේය. “මෙම ඛේදවාචකය තිබියදීත්, ශක්තිමත් එක්සත් ජනපද-ශ්රී ලංකා හවුල්කාරිත්වයක් සහ නිදහස් හා විවෘත ඉන්දු-පැසිෆික් කලාපයට එහි ඇති වැදගත්කම අපි අපේක්ෂා කරමු” යනුවෙන් චුන්ග් මහත්මිය වැඩිදුරටත් පැවසුවාය.
ශක්තිමත් සමුද්රීය සහ ආර්ථික සබඳතා: ඇමරිකානු නියෝජිතයෝ ජනපති මුණගැසේ!
