ශ්‍රී ලංකා තැපැල් දෙපාර්තුමේන්තුවේ ප්‍රාථමික ශිල්පීය නොවන සේවා ගණයේ III ශ්‍රේණියේ තැපැල් සහායක තනතුර සඳහා පුද්ගලයින් 731 දෙනෙකු තෝරා ගෙන තිබේ. එම තෝරාගත් පිරිස සඳහා ස්ථීර පත්වීම් ලිපි ප්‍රදානය හෙට (06) දිනයේදී අරලියගහ මන්දිර පරිශ්‍රයේ දී සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් සිදු කිරීමට නියමිතය. 2021 වර්ෂයෙන් පසු ශ්‍රී ලංකා තැපැල් දෙපාර්තුමේන්තුවට ස්ථිර තැපැල් සහායක බඳවාගැනීම් සිදුකර නොමැති අතර ඒ හේතුවෙන් පසුගිය වර්ෂය අවසානය වන විට තැපැල් දෙපාර්තුමේන්තුවේ තැපැල් සහයක පුරප්පාඩු 1982 ක් පැවතිණි. අදාළ පුරප්පාඩු සංඛ්‍යාවෙන් 1,000 ක් බඳවා ගැනීම සඳහා සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ඉල්ලීම පරිදි 2025 අගෝස්තු 19 වන දින අමාත්‍ය මණ්ඩල අනුමැතිය ලබා දී තිබුණි. තවත් තැපැල් සහායකයන් 269 දෙනෙකු ඉදිරියේ දී බඳවා ගැනීමට සෞඛ්‍ය හා ජනමාධ්‍ය අමාත්‍යංශය මේ වන විටත් කටයුතු කරමින් සිටී.
ශ්‍රී ලංකා තැපැල් දෙපාර්තුමේන්තුවට ස්ථිර පත්වීම් රැසක්
