එක්සත් රාජධානියේ සේවය කරන ශ්රී ලාංකික නීතිඥවරුන්, බැරිස්ටර්වරුන් ඇතුළු නීති විශාරදයන් රැසකගේ සහභාගිත්වයෙන් විශේෂ හමුවක් පවත්වා තිබේ. ශ්රී ලංකාවේ අධිකරණ පද්ධතිය තුළ දැනට ක්රියාත්මක වන ප්රතිසංස්කරණ පිළිබඳව අවධානය යොමු කරමින් සංවිධානය වූ මෙම සාකච්ඡාවේ ප්රධාන අරමුණ වී ඇත්තේ විනිසුරුවරුන්ගේ විශ්රාම යන වයස දීර්ඝ කිරීමේ යෝජනාව වෙනුවෙන් තම සහයෝගය පළ කිරීමයි.මෙහිදී අදහස් දැක්වූ නීති ප්රජාව පෙන්වා දී ඇත්තේ ප්රමුඛ පෙළේ අධිකරණ අත්දැකීම් සහිත විනිසුරුවරුන්ගේ සේවය තවදුරටත් ලබා ගැනීම හරහා අධිකරණ පද්ධතියේ ගුණාත්මකභාවය ඉහළ නැංවිය හැකි බවයි. දීර්ඝ කාලීන නීතිමය පළපුරුද්ද පදනම් කරගනිමින්, මෙම පියවර රටේ අධිකරණ පද්ධතිය වඩාත් ශක්තිමත් කිරීමට හේතු වන ආකාරය පිළිබඳව ද මෙහිදී විද්යාත්මක විශ්ලේෂණ ඉදිරිපත් කර ඇත.තවද, නීති ක්ෂේත්රයේ කාර්යක්ෂමතාව වර්ධනය කිරීම සහ මහජනතාවට කඩිනමින් යුක්තිය පසිඳලීමේ ක්රියාවලිය සාර්ථක කරගැනීම සඳහා මෙම තීරණය සෘජුවම බලපාන බව ඔවුන් වැඩිදුරටත් පෙන්වා දී තිබේ. අධිකරණ ප්රතිසංස්කරණ සාර්ථක කරගැනීම උදෙසා ඉදිරියටත් මෙවැනි යෝජනා වෙනුවෙන් සිය දායකත්වය ලබාදීමට ද එක්සත් රාජධානියේ වෙසෙන ශ්රී ලාංකික නීති ක්ෂේත්රයේ නිරතවූවන් එකඟතාව පළ කර ඇත.
ශ්රී ලංකාවේ විනිසුරුවරුන්ගේ විශ්රාම වයස දීර්ඝ කිරීමට එක්සත් රාජධානියේ ශ්රී ලාංකික නීතිඥයන්ගේ සහාය
