විපක්ෂ නායක සජිත් ප්රේමදාස මහතා පසුගියදා සිංගප්පූරුවේ පිහිටි ජුරොං නවෝත්පාදන දිස්ත්රික්කයේ (Jurong Innovation District) විශේෂ නිරීක්ෂණ චාරිකාවක නිරත විය. නවීන නිෂ්පාදන කර්මාන්ත සහ අනාගතයට ගැළපෙන කර්මාන්ත ක්ෂේත්රයන් ඉලක්ක කරගනිමින් නිර්මාණය කර ඇති මෙම කලාපය, දියුණු යටිතල පහසුකම්වලින් සමන්විත ලොව ප්රමුඛතම කාර්මික උද්යානයකි. මහා පරිමාණ කර්මාන්තශාලා මෙන්ම සුළු හා මධ්ය පරිමාණ ව්යවසායන් (SMEs) සඳහා ද ගැළපෙන අයුරින් නිර්මාණය කර ඇති මෙහි, නිෂ්පාදන කටයුතු, පර්යේෂණ සහ නවෝත්පාදන යන සියල්ල එකම පියසක් යටතට ගෙන එන ඒකාබද්ධ පරිසර පද්ධතියක් දැකගත හැකිය.මෙම ව්යාපෘතියේ ඇති සුවිශේෂත්වය වන්නේ කාර්මික කටයුතු සඳහා පමණක් නොව, නේවාසික පහසුකම්, පොළොව යටින් දිවෙන සැපයුම් ජාල (underground logistics) සහ උසස් ජලාපවහන පද්ධතිවලින් ද සමන්විත වීමයි. නව ව්යාපාරික ආරම්භයන් (Start-ups) දිරිමත් කිරීම උදෙසා පොදු පහසුකම්, ස්මාර්ට් නිෂ්පාදන වටපිටාවන් සහ පර්යේෂණ ආයතන හා පුහුණු මධ්යස්ථාන සමඟ ඇති සමීප සබඳතාවය මෙහි කැපී පෙනෙන ලක්ෂණයකි. මනාව සැලසුම් කරන ලද කාර්මික කලාපයක් මගින් ඵලදායිතාව, තිරසාරභාවය සහ දිගුකාලීන ආර්ථික වර්ධනය ළඟා කරගත හැකි ආකාරය පිළිබඳව විපක්ෂ නායකවරයා මෙහිදී සිය අවධානය යොමු කළේය. තාක්ෂණය මත පදනම් වූ මෙවැනි කාර්මික ආකෘති, අනාගත ශ්රී ලංකාවේ දියුණුව සඳහා ද ඉතා වැදගත් මඟපෙන්වීමක් වනු ඇත.
සිංගප්පූරුවේ ජුරොං නවෝත්පාදන දිස්ත්රික්කයේ සජිත් ප්රේමදාස මහතා නිරීක්ෂණ චාරිකාවක
