සිම්බාබ්වේ ක්‍රිකට් කණ්ඩායම, ලබන වසරේ ඉන්දියාවේ සහ ශ්‍රී ලංකාවේ පැවැත්වීමට නියමිත ICC පිරිමි T20 ලෝක කුසලානයට සූදානමක් ලෙස, නොවැම්බර් 17 සිට 29 දක්වා රාවල්පිණ්ඩි සහ ලාහෝර් හිදී ශ්‍රී ලංකාව සහභාගී වන T20I ත්‍රිත්ව තරඟාවලියකට සහභාගී වීමට පාකිස්ථාන ක්‍රිකට් මණ්ඩලයේ ආරාධනය පිළිගෙන තිබේ. පාකිස්ථාන භූමියේ පැවැත්වෙන මෙම මංගල ත්‍රිත්ව තරඟාවලිය, කණ්ඩායම් තුනටම ලෝක කුසලානයට පෙර අවශ්‍ය පුහුණුව ලබා දීමට නියමිතයි. ත්‍රිත්ව තරඟාවලිය නොවැම්බර් 17 වැනිදා රාවල්පිණ්ඩි ක්‍රිකට් ක්‍රීඩාංගණයේදී සත්කාරක පාකිස්ථානය සහ සිම්බාබ්වේ අතර තරඟයෙන් ආරම්භ වන අතර, දෙවැනි තරඟය නොවැම්බර් 19 වැනිදා එම ස්ථානයේම ශ්‍රී ලංකාව සහ සිම්බාබ්වේ අතර පැවැත්වේ. රාවල්පිණ්ඩිහි පැවැත්වෙන තරඟ දෙකෙන් පසු තරඟාවලිය ලාහෝරයේ ගඩාෆි ක්‍රීඩාංගණයට මාරු වන අතර, නොවැම්බර් 29 වැනිදා පැවැත්වෙන අවසන් මහා තරඟය ඇතුළුව ඉතිරි තරඟ පහ එහිදී පැවැත්වීමට නියමිතයි. ඇෆ්ගනිස්ථානයට මෙම තරඟාවලියට සහභාගී වීමට නොහැකි බව කලින් දැනුම් දී තිබුණි.
සිම්බාබ්වේ, ශ්‍රී ලංකා, පාකිස්ථාන T20I ක්‍රිකට් ත්‍රිත්ව තරඟාවලිය!
