පාස්කු ඉරිදා ත්රස්ත ප්රහාරය සම්බන්ධ විමර්ශන සඳහා අපරාධ පරීක්ෂණ දෙපාර්තමේන්තුව (CID) භාරයේ පසුවන රාජ්ය බුද්ධි සේවයේ හිටපු අධ්යක්ෂ, විශ්රාමික මේජර් ජෙනරාල් සුරේෂ් සලේ හදිසි අසනීප තත්ත්වයක් හේතුවෙන් කොළඹ ජාතික රෝහලට ඇතුළත් කර තිබුණි. එහිදී අවශ්ය වෛද්ය ප්රතිකාර ලැබීමෙන් අනතුරුව ඔහු යළිත් අපරාධ පරීක්ෂණ දෙපාර්තමේන්තුව වෙත රැගෙන ගොස් ඇති බව වාර්තා වේ.2019 වසරේ සිදුවූ දරුණු ත්රස්ත ප්රහාරයට අදාළව දැනට ක්රියාත්මක වන පුළුල් විමර්ශනවලට අදාළව ඔහුගෙන් ප්රශ්න කිරීම් සිදුකෙරේ. ත්රස්තවාදය වැළැක්වීමේ පනත (PTA) යටතේ රඳවාගෙන සිටින ඔහුගෙන් ප්රකාශ සටහන් කර ගැනීම අඛණ්ඩව සිදුකරන බව ආරක්ෂක අංශ සඳහන් කරයි.රෝහල්ගතව සිටි කාලසීමාව තුළ මෙන්ම නැවත රැගෙන ඒමේදී ද ඔහු වෙනුවෙන් විශේෂ පොලිස් ආරක්ෂාවක් යොදවා තිබීම කැපී පෙනෙන කරුණකි. මෙම සංවේදී විමර්ශනයට අදාළව ඉදිරි දිනවලදීත් ඔහුගෙන් තොරතුරු විමසීමට නියමිතව ඇත.
සුරේෂ් සලේ රෝහල් ප්රතිකාරවලින් පසු නැවත CID භාරයට!
