බේරුවල, පිංහේන ප්‍රදේශයේ පිහිටි ළමා සංවර්ධන මධ්‍යස්ථානයකදී 8 හැවිරිදි දරුවෙකුට ලිංගික අපයෝජනයක් සිදු කිරීම සම්බන්ධයෙන් අලුත්ගම පොලීසිය පරීක්ෂණ ආරම්භ කර තිබේ.මෙම අපරාධය සිදු කළ බවට සැකකරු වන්නේ එම මධ්‍යස්ථානයේම රඳවා සිටින 13 හැවිරිදි දරුවෙකි.පොලීසියට අනුව, මෙම වින්දිත දරුවා මතුගම මහේස්ත්‍රාත් අධිකරණයේ නියෝග මත එම මධ්‍යස්ථානයේ රඳවා සිටි අයෙකි. අපරාධය සිදුවූ දින (ඔක්තෝබර් 4) උදෑසන, තේ පානයෙන් පසු සැකකාර දරුවාගේ නියෝග මත වින්දිත දරුවා වැසිකිළියට ගොස් ඇති අතර, සැකකරු එම දරුවා පසුපසින් ගොස් දොර වසා බරපතල ලිංගික අපයෝජනයක් සිදු කර ඇති බවට චෝදනා එල්ල වේ.වින්දිත දරුවා අධිකරණ වෛද්‍ය නිලධාරීවරයෙකුගේ විශේෂ පරීක්ෂණයක් සඳහා කළුතර ගල්ලස්ස මාතෘ හා ළමා රෝහලට ඇතුළත් කර තිබේ.අලුත්ගම පොලිස් ස්ථානාධිපති ප්‍රධාන පොලිස් පරීක්ෂක ආර්.කේ. රත්නසිංහම් මහතා සහ ළමා හා කාන්තා කාර්යාංශයේ ස්ථානාධිපති නිශාදි පොලිස් පරීක්ෂකවරිය විසින් සිද්ධිය සම්බන්ධයෙන් වැඩිදුර පරීක්ෂණ පවත්වනු ලැබේ.
ළමා සංවර්ධන මධ්‍යස්ථානයේ ලිංගික අපයෝජන චෝදනා ගැන අලුත්ගම පොලිස් පරීක්ෂණ
