තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ, තරුණ කටයුතු නියෝජ්‍ය අමාත්‍ය එරංග ගුණසේකරගේ ආරාධනයෙන් අග්‍රාමාත්‍ය හරිනි අමරසූරියගේ ප්‍රධානත්වයෙන් පැවැති මෙම අවස්ථාවට ජාතික තරුණ සේවා සභාවේ සභාපති, අධ්‍යක්ෂ ජනරාල් සුපුන් විජේරත්න ඇතුළු තරුණ සේවා සභාවේ නිලධාරීන් සහ කලාකරුවන් රැසක් සහභාගී වූහ.
නර්තන, චිත්‍ර, පද්‍ය රචනා, නිවේදන ඇතුලු සංස්කෘතික තරඟ අංශ 91 ක, ජයග්‍රාහක ජයග්‍රාහිකාවන් සහ විශේෂ අවශ්‍යතා සහිත තරුණ තරුණියන් 5 දෙනෙකු ද ඇතුලත්ව ජයග්‍රාහක ජයග්‍රාහිකාවන් 160 දෙනෙකු සහ සිංහල දිගු නාට්‍ය 04 ක, කෙටි නාට්‍ය 20 ක සහ දමිළ කෙටි නාට්‍ය 06 ක, දිගු නාට්‍ය 02 ක ජයග්‍රාහක ජයග්‍රාහිකාවන්ට යෞවන සම්මාන ප්‍රදානය කිරීම මෙහිදී සිදු කෙරුණි.
මෙම අවස්ථාවට එක් වෙමින් අග්‍රාමාත්‍ය හරිනි අමරසූරිය පැවසුවේ, සහකම්පනයෙන් යුතු, නිර්මාණශීලී තරුණ ප්‍රජාවක් බිහි කරලීමට කලාව අත්‍යවශ්‍ය දෙයක් වන අතර, කලාව ඇසුරු කරගනිමින් වැඩෙන දරුවා අනාගතයේ දී සම්පූර්ණ මිනිසෙකු ලෙස මානව ධර්මතා හඳුනා ගැනීමේ හා පරිකල්පන ශක්තිය ද හිමි අයෙක් බවට නිරායාසයෙන්ම පත් වන බවයි.
අතීතයට සාපේක්ෂව, වර්තමානයේ උසස් කලා නිර්මාණවල හිඟයක් පවතින බවත්, එය කිසිවෙකුගේ වරදක් නොව, වර්තමාන සමාජයේ පවතින තත්ත්වය සහ කලාව තුළින් පෝෂණය වී, කලාව තුළින් පැවතීමට වර්තමානය තුළ අපහසු කර තිබීම ඒ සඳහා බලපා ඇති බවත් අග්‍රාමාත්‍යවරිය පැවසුවාය. එය වෙනස් කිරීම වෙනුවෙන් ජාතික තරුණ සේවා සභාව ගන්නා උත්සහය අගය කළ අග්‍රාමාත්‍යවරිය, කලා කුසලතා පිරි ජාතියක් ගොඩනැගීම වෙනුවෙන් වූ වත්මන් රජයේ ප්‍රයත්නයට ජාතික තරුණ සේවා සභාව සපයන අත්වැල අගය කරන බවත් පැවසුවාය.
රජයේ ප්‍රතිපත්ති ප්‍රකාශයේ කලා සංස්කෘතික රසවින්දනයේ සහ විනෝදාස්වාදය යටතේ ඇති අරමුණු සාක්ෂාත් කරලීමටත්, සංස්කෘතියෙන් දියුණු සමාජයක් බිහි කිරීම උදෙසා තරුණ කටයුතු සහ ක්‍රීඩා අමාත්‍යාංශයත්, ජාතික තරුණ සේවා සභාවත් ගන්නා උත්සහයත්, ඒ වෙනුවෙන් කැප වූ සියලු දෙනාටත් ස්තූතිවන්ත වන බව අග්‍රාමාත්‍යතුමිය වැඩිදුරටත් අදහස් දක්වමින් සඳහන් කළාය.
මෙම අවස්ථාවට එක්වෙමින් තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ පැවසුවේ, මෙම සමාජය පවතින ස්ථානයෙන් ඉහළ ස්ථානයකට ඔසවා තැබීම වෙනුවෙන් කලාව සහ කලාකරුවන් ඉතා වැදගත් වන බවයි.
වර්තමාන තරුණ ප්‍රජාව අලුත් අත්දැකීම් සහිත, අලුත් පරම්පරාවක් ලෙස තමන් සතු වෙනස් සිතුවිලි සහ වෙනස් පරිකල්පන හැකියාව උපයෝගී කරගනිමින් මෙම සමාජය වඩා යහපත් සමාජයක් කිරීම උදෙසා කැප වෙනු ඇතැයි මෙම යෞවන සම්මාන උළෙල හරහා බලාපොරොත්තු වන බවත්, එම යහපත් සමාජය වෙනුවෙන් අප සියලු දෙනා එක්ව කටයුතු කළ යුතු බවත් වැඩිදුරටත් අදහස් දක්වමින් අමාත්‍යවරයා සඳහන් කළේ ය.
කලාව මෙරට තාරුණ්‍ය සමඟ බද්ධ කළ යුත්තේ කෙසේද යන අභියෝගය ඇති බවත්, වර්තමාන සමාජයේ ආර්ථික තත්ත්වයන් මත මෙරට තරුණ තරුණියන්ට අත්ව ඇති ඉරණම පිළිබඳව අප විග්‍රහ කර ගත යුතු බවත් මෙම අවස්ථාවට එක් වෙමින් එරංග ගුණසේකර පැවසුවේය.
පරමාණු බෝම්බය සොයා ගැනීම නිසා සිදු වූ ඛේදවාචකය පිළිබඳව අන්තර්ගත චිත්‍රපටය නරඹන ප්‍රේක්ෂකයාට එවැනි සිදුවීම් සිදුවන ලෝකයක තවදුරටත් ජීවත්වීමට අවශ්‍ය ද යන සරල සිතුවිල්ල ඇතිවන බවත්, යහපත් සමාජයක් නිර්මාණය කිරීමට නම් සහකම්පනයක් සහිත මිනිසුන් අවශ්‍ය බවත්, ඒ සඳහා කලාව වැදගත් බවත් ‘ඕපන්හයිමර්’ සිනමා කෘතිය උදාහරණයට ගනිමින් තරුණ කටයුතු නියෝජ්‍ය අමාත්‍යවරයා වැඩිදුරටත් අදහස් දක්වමින් පැවසුවේ
