නාරම්මල පොලිස් වසමේ අද (12) අලුයම සිදු වූ රිය අනතුරකින් පුද්ගලයන් දෙදෙනෙකු ජීවිතක්ෂයට පත්ව තිබේ.පොලීසිය සඳහන් කළේ, සොරොම්බාව දෙසට ගමන් කරමින් තිබූ ලොරියක රියදුරුට එහි පාලනය කර ගැනීමට නොහැකිව මාර්ගයෙන් ඉවතට පැන විදුලි කණුවක සහ බෝක්කුවක ගැටීමෙන් අනතුර සිදුව ඇති බවයි.ලොරිය පසුපසින් ගමන් කළ පුද්ගලයන් දෙදෙනෙකුට වාහනය යටවීමෙන් බරපතල තුවාල සිදු වී ඇති අතර, ඔවුන් නාරම්මල රෝහලට ඇතුළත් කිරීමෙන් පසු ජීවිතක්ෂයට පත්ව ඇත.මියගිය අය වවුනියාව සහ නෙදුන්කේනි ප්‍රදේශවල පදිංචිකරුවන් වන අතර, ඔවුන්ගේ වයස අවුරුදු 26 සහ 29 කි.ලොරියේ රියදුරු අත්අඩංගුවට ගෙන ඇති අතර, නාරම්මල පොලීසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.
නාරම්මල රිය අනතුරකින් දෙදෙනෙක් මරුට
