දිවයිනේ පළාත් සහ දිස්ත්රික්ක කිහිපයකට බලපැවැත්වෙන පරිදි ප්රබල අකුණු පිළිබඳ අවවාදාත්මක නිවේදනයක් කාලගුණ විද්යා දෙපාර්තමේන්තුව විසින් අද (14) දහවල් නිකුත් කර තිබේ. මෙම නිවේදනයට අනුව බස්නාහිර, සබරගමුව, මධ්යම, වයඹ සහ ඌව යන පළාත්වලටත්, ගාල්ල, මාතර, අනුරාධපුර, මන්නාරම සහ වව්නියාව යන දිස්ත්රික්කවලටත් සවස් කාලයේදී ගිගුරුම් සහිත වැසි සමඟ තද අකුණු ඇතිවීමේ දැඩි අවදානමක් පවතී.අද පස්වරු 1.00න් පමණ පසුව මෙම ක්රියාකාරීත්වය වර්ධනය විය හැකි අතර, අදාළ අනතුරු ඇඟවීම අද රාත්රී 11.00 දක්වා වලංගු වන බව බලධාරීන් සඳහන් කරයි. වැසි පවතින අවස්ථාවලදී එම ප්රදේශවල තාවකාලිකව තද සුළං තත්ත්වයන් ද ඇති විය හැකි බැවින්, ඒ පිළිබඳව විමසිලිමත් වීම අත්යවශ්ය වේ.අකුණු මඟින් සිදුවන අනතුරු හා හානි අවම කර ගැනීම සඳහා එළිමහන් ස්ථානවල රැඳී සිටීමෙන් වැළකී සිටින ලෙසත්, විදුලි උපකරණ භාවිතයේදී වඩාත් සැලකිලිමත් වන ලෙසත් කාලගුණ විද්යා දෙපාර්තමේන්තුව ජනතාවගෙන් ඉල්ලා සිටියි. විශේෂයෙන් මෙම කාලසීමාව තුළ අනාරක්ෂිත උස් ස්ථානවල හෝ ගස් යට රැඳී නොසිටීමට වගබලා ගත යුතුය.
ප්රදේශ රැසකට ප්රබල අකුණු අනතුරු ඇඟවීම්
