ශ්‍රීලංකන් ගුවන් සේවය මුහුණ දී ඇති මූල්‍ය අර්බුදය සහ ගුවන් ගමන් ප්‍රමාදයන්ට විසඳුම් ලබා දීම සඳහා පස් අවුරුදු සවිස්තරාත්මක සැලැස්මක් ක්‍රියාත්මක කිරීමට යටිතල පහසුකම් පිළිබඳ ආංශික අධීක්ෂණ කාරක සභාවේදී අවධානය යොමුව තිබේ.දැනට පවතින ගුවන් යානා ප්‍රමාණය සහ ඒවායේ වයස නිසා මතුවන තාක්ෂණික ගැටලු අවම කිරීම සඳහා, ඉදිරි ජූනි මාසය වන විට නව ගුවන් යානා කිහිපයක් එකතු කර ගැනීමටත්, 2029 වන විට යානා සංචිතය 29ක් දක්වා ඉහළ නැංවීමටත් සැලසුම් කර ඇත.ගුවන් සේවයේ මූල්‍ය බර පාලනය කිරීම සඳහා පැරණි ණය මහා භාණ්ඩාගාරයට පවරා ගැනීම මෙන්ම, මෙහෙයුම් වියදම් අඩු කර ආදායම ඉහළ නැංවීමේ වාණිජ උපායමාර්ග අනුගමනය කිරීමට නියමිතය.මෙම ගුවන් සේවය ප්‍රතිව්‍යුහගත කිරීම සඳහා නව ආයෝජකයන් ලබා ගැනීම හෝ රජය යටතේ පවත්වාගෙන යාම පිළිබඳ විකල්ප සලකා බලමින් පවතින අතර, ඉදිරි ක්‍රියාමාර්ග ඇතුළත් වාර්තාවක් මේ මස 30 වැනි දිනට පෙර ඉදිරිපත් කරන ලෙස අදාළ අංශ වෙත උපදෙස් ලබා දී ඇත.
ශ්‍රීලංකන් ගුවන් සේවය ලාභදායී මට්ටමකට ගෙන ඒමට පස් අවුරුදු සැලැස්මක්
