රාජ්ය විශ්වවිද්යාල පද්ධතිය මුහුණ දී ඇති දැඩි අර්බුද හේතුවෙන් විශ්වවිද්යාල කථිකාචාර්යවරුන් හෙට (09) දින එක්දින වර්ජනයක නිරත වීමට තීරණය කර ඇති බව විශ්වවිද්යාල ආචාර්ය සංගම් මහා සම්මේලනය (FUTA) ප්රකාශ කර තිබේ. FUTA හි ලේකම්, ජ්යෙෂ්ඨ කථිකාචාර්ය චාරුදත්ත ඉලංගසිංහ මහතා සඳහන් කළේ, රාජ්ය විශ්වවිද්යාල පද්ධතිය මුහුණ දී ඇති බරපතළ අර්බුද සම්බන්ධයෙන් සංගමය පසුගිය සතිය පුරා වෘත්තීය සමියා ක්රියාමාර්ගවල නිරත වූ බවයි. කථිකාචාර්යවරුන්ගේ හිඟය මෙන්ම රාජ්ය විශ්වවිද්යාල සඳහා සුදුසුකම් ලත් කථිකාචාර්යවරුන් නොමැතිකම බරපතළ ගැටළුවක් වී ඇති බවත්, 2025 වසරේ අපොස උසස් පෙළ විභාගයට පෙනී සිටි සිසුන් රාජ්ය විශ්වවිද්යාල වෙත ඇතුළත් කර ගැනීමට නොහැකි තත්වයක් මේ වන විට උද්ගත වී ඇති බවත් ඔහු වැඩිදුරටත් පෙන්වා දුන්නේය. නව රාජ්ය විශ්වවිද්යාල 50ක් පිහිටුවීමට ජනාධිපතිවරයා සැලසුම් කර ඇති බව නිවේදනය කර තිබුණද, නව ආයතන පිහිටුවීමට පෙර පවතින විශ්වවිද්යාල 17හි ගුණාත්මකභාවය පවත්වා ගැනීම සහ වැඩිදියුණු කිරීම ඉතා වැදගත් බව ඔහු තවදුරටත් කියා සිටියේය. මේ සම්බන්ධයෙන් සාකච්ඡා අපේක්ෂාවෙන් පසුවන බවත්, මෙම ගැටළුව විසඳීම සඳහා ස්ථිර විසඳුමක් අවශ්ය බවත් චාරුදත්ත ඉලංගසිංහ මහතා අවධාරණය කළේය.
විශ්වවිද්යාල කථිකාචාර්යවරුන් හෙට (09) එක්දින වැඩවර්ජනයක
